عااااااااجل وهااااااام مطلوب عريس!!!! في جلسة العائله الكبيره الاسبوعيه اكتشفنا ان وحده من بنات العائله الكريمه اوشكت على سن العنوسه!!! ياااااااااااااللهول عنوسه مره وحده!! الكل يدري ان العنوسه اذا اصابت وحده من العائله انتشرت للبقيه علشان كذا بصراحه الامر لازم نحله وباسرع وقت قبل فوات الاوان اجتمعنا بالبنت اللي اوشكت على العنوسه لنناقش الامر معها وكيف وصلت لسن ماقبل الثلاثين بقليل بدون زواج وكل وحده منا بدت تسال ليش ووشلون وكيف طبعا الامر خطير فابنة العم المصون هي من اوصلت نفسها بنفسها للعنوسه فعندما وصلت لسن التاسعه عشره وهي في اوج جمالها وكمالها تقدم لخطبتها شاب يعمل محاضرا في الجامعه ويحضر الدكتوراه ويتمتع باخلاق طيبه ولكن ابنة العم رفضت الزواج منه ليه وليه ؟؟ لانه يريد ان يبر باهله فهو يعيش مع اهله بنفس البيت وعندما اشترطت بيتا مستقلا رفض بشده فرفضت الزواج وطااااااااااااار العريس عااااااااااادي اللي يروح يجي احسن منه هذه فكرة ابنة العم ثم تقدم لخطبتها شاب اخر مناسب جدا من جميع النواحي وكما تريد بيتا مستقل لكنها رفضته بشده لماااااااااااااااااااذا؟؟ لانه حاصل فقط على شهادة البكالوريوس نعم موظف محترم لكن شلون ارفض الدكتور واقبل حامل شهادة البكالوريوس لا مستحيل الناس تتقدم والا تتاخر يعني حسب كلامها هي تريد شخصا اعلى من الدكتور تبي وزير وطاااااااااااااار العريس الثاني وهكذا كل ما تقدم لها شخص تقارنه بالدكتور وتنتظر الوزير واللي يروح يجي احسن منه حتى صارت ما يتقدم لها احدا لا وزير ولا غيره طيب هالحين وش الحل يعني لو يجي عريس ما معه الا شهاده عاديه او يعيش مع اهله بترفضينه فردت بسرعه لا ليش ارفض المهم اخلاقه!!! !!!! !!!!!! ماكان من الاول !!!!! المهم الاخلاق كان ما وصلتي لهالسن بدون زواج وضيعتي نفسك وبتضيعينا معك وبعد مشاورات بين بنات العائله المعنيات بالمشكله اقترحت احدى الاخوات الاستعانه بالخطابه ( ام علي ) للبحث عن عريس لابنة العم ! لكن خطااااااااااااابه بصراحه اول مره تتزوج وحده عن طريق الخطابه بس وش نسوي عند الضروره تباح المحظورات والغايه تبرر الوسيله بس ام علي الخطاااااااااااابه؟؟؟ والله قويه !!! وبعد اخذ ورد بين العضوات تمت الموافقه على الاتصال بام علي الخطابه واخذ موعد منها طبعا ام علي مشغوله ما هي فاضيه لازم حجز موعد عندها المشكله ما هو بالموعد المشكله ان ام علي الخطابه حصلت على جائزة نوبل العالميه في مجال نقل الاخبار بسرعة البرق فهي تفوقت على جميع القنوات الاخباريه ونخاف ان سيرتنا تصير على كل لسان !!! واللي يبي أي خبر ينتشر عالميا يقوله لام علي وياكد عليها انه سر وبس ويترك الباقي عليها خلال ثواني الخبر يكون قد وصل لقارة استراليا المهم رغم كل هذا مضطرين لام علي واخذنا منها موعد وكان موعدها صعب جدا صباح يوم السبت يعني ولا موعد مع السفير بس مدري ممكن ام علي تحل مشكلة العنوسه؟؟ الله اعلم محبتكم ريمــــــــــــاا