مســــاء الخــــــير
ياقاسيه ماعاد بالدنيا مشاريه وعتاب=دامك نسيتي قلبي اللي في يدينك ذابحه
ياقاسيه يكفي علي اني اعيشك في عذاب=اسهر وعاني والجروح اللي بصدري دامحه
ياقاسيه طول غيابك لا رسول ولا كتاب=ماغير اعانق كل طيف ايمرني وصافحه
ياقاسيه ياناسيه القلب من فرقاك ذاب=وجروح هجرك في حشايه ياغلايه فاضحه
ياقاسيه إلى متى ونا انتظر منك جواب=إلى متى ونا احتري ليله تجيني فارحه
ياقاسيه مشيت ضامي رحت اطارد فالسراب=غديت مثل اللي نثر عذبه ويشرب مالحه
ياقاسيه واللي بقا في داخلي جرح وصواب=ماضنتي تبرى ولا انتي من عذابي رابحه
ياقاسيه مادام باقيلي على الدنيا زهاب=حني بحالي دام قلبي في يدينك ذابحه
حــمــد الخمعــــلي