[شــامخ]

المشاركة الأصلية كتبت بواسطة مزيد المزيد

يسعد مساااكم جميع وكل عاااااام وانتم بخير ,,,

العود الازرق عج دخانه مجاز = محشوم عن دخان راع الزقاره
وان جابوا (( القسيس )) حشمت ابن باز = والقدس تحشم عند برج التجاره
مثل الرفيق اللي له الطيب مركاز = محشوم عن راع الردا والدشاره

.
.
.
.
.
.
.

هذا مثل والخبز نصفه لخباز = لن الرغيفه تصطلي فوق ناره
ويامبارك اسمع ماكتبته للاعجاز = لكن كذا قريت نص العباره ...
ان شفت لك حر ً وطى غاربه باز = فـاعرف بــ أن الحر فاته قطاره
وان شفت لك خبل ً على الناس لماز = عادي / طبيعي / دام ضيّع وقاره
بس الردي لو فاز لاتحسبه فاز = يجيك علمه مع رفيقه وجاره
وياصاحبي قلها بلا هم والغاز = ماعاد به حر ً يعرف الاشاره
والاعرج اللي طول عمره بعكاز = يبقى عرج مهما تعدل مساره

الله الله يامزيد



ان شفت لك حر ً وطى غاربه باز @@ فـاعرف بــ أن الحر فاته قطاره

انا اشهد

بس الردي لو فاز لاتحسبه فاز @@ يجيك علمه مع رفيقه وجاره

صدقت



صح لسانك مليوووووووووووووووون ياسديري ويلان