اقتباس:
المشاركة الأصلية كتبت بواسطة نفاع العنزي
مروركم غاية
..
يا ابن فطيس إن كان بك ضيقة عصير = يا ضيقتي ياهي تهد الجبالي
إن جيت أزحزحها بكثر المسايير = كني أناديها تعالي . . تعالي
الضيقة اللي بالحشا وقعها غير = ضيقة وناتجها دواعي هبالي
مرة تجي كتمة ومرة معاصير = ملازمتني كنها من ظلالي
يالله تعدي هالليالي على خير = يا ثقلها من بد كل الليالي
همومها عندي ..ورود ومصادير = يروح هم ..وينولد هم تالي
يا ليتها قصة وضمن الأساطير = ما كان تلقاني وحيد لحالي
وياليت لي جنحان .. أو أقدر أطير = وأشوف حال اللي تبي شوف حالي
كانت جريئة حيل من دون تبرير = وكانت تقاطع قبل لا أطرح سؤالي
حذرتها ولا فكرت بالمحاذير = كانت تذوق المر لرضاي حالي
هفوة وغلطة ما لها أي تفسير= وكانت نتايجها تفوق احتمالي
غلطة وراحت ما تفيد المعاذير = وأستاهل اللي في حياتي جرالي
يا الله ياوالي صروف المقادير = يا واليٍ ما بعد رحمتك والي
إنك تطمني بزف التباشير= وترد غالي فاقدٍ روح غالي
|
.
.
يا مساء القوافي وهمس القصيد المختلف
والله يلوم اللي يلومك يا
نفاع العنزي
أبيات شعرية تمت صياغتها من موطن رهافة الاحساس والشاعرية
إسلوب جمييل ورائع في توظيف المفردة في القاف المناسب
أسعد الله قلبك بقرب لقاء من تـُـحب
وصح الله لسانك وبوحك وفكرك
ولاهنت يا ولد الاجواد على هالمعزوفة الباذخة
تقديري
هيــــاااا