[سعوط المجانين]

ان كان ابن فرهود يطلب لقانـا = جينا على الزرفات خيل الصحابة
جينا وربعه قوطره فـي نحانـا = مثل القطيع اللي نحتـه الذيابـه
وشملا تزايد نيها فـي حمانـا = ويا ما خذينا غيرها من جلابـه
وجبنا البكار المكرمات السمانـا = وطرش كثيرٍ ولا عرفنا حسابـه
حنا ليا صلنـا طـوال خطانـا = وهذي عوايدنا نهـار الحرابـه
نجيك فـوق مكاظمـات العنانـا = صفرٍ عليهن لا بسين العصابـه
عاداتنا وان كان شفنـا أقبلانـا = من دمهم (رخا) نـروي ترابـه
وعقاب فـوق مشمـر بمعدانـا = الخيل في يوم الملاقـى تهابـه
منكم يروي حربتـه والسنانـا = وفرسانكم قفت ذعرهـا عقابـه
جاكم سريعٍ بالعجل مـا توانـا = ومن يوم حل بخيلكم جا ذهابـه
منكم خذينـا يالحريبـي قرانـا = كل أبلجٍ حنـا قصرنـا شبابـه
نرقد بامان الله وتسهر عدانـا = ومن فعلنا يسهر كبير المهابـه
حريبنا يقضـي ويلقـى عيانـا = مثل الخشوم الطايله من هضابه

رحم الله الشيخ \ سعدون العواجي وابناءه الذين سطرو اروع الامثال في الشجاعه والشهامه والقيم

ولاهنت ياعساف على الجهد المبذول

تقديري الجـم

...