اقتباس:
المشاركة الأصلية كتبت بواسطة خلف الغريب
تحياتي للجميع ... وتقبلوا متواضعتي :
اسهرت عين القلم حتى غفى الدفتر=وخيل القوافي تعب خيالها الماهر
السرج خالي ومات حصاني الاشقر=وغابت عن اسماع قلبي دقة الحافر
السيف طايح عسى ماشر يا ( عنتر )=ماهي عوايدك تغمد سيفك الباتر
من بعد ما كان سيفك باللقا مشهر=خاض المعارك وعود بعدها خاسر
حبر القوافي نضب من بعد ما نور=وبستان الاشعار ذابل ورده العاطر
سمعي قصر عن عتابك ليه مايقصر ؟=والعين دونك يعود طرفها الساهر
لو حاول يعاتب الاحباب ما يقدر=اثر الغلا يترك القادر ماهو قادر
اشوف مغربك مشرق . وايمنك ايسر=واشوف آخرك أول . واولك آخر
صارت عيوبك مزايا , والبلا الأكبر:=اني اشوف المزايا عيوب بالآخر
قلب منحك الغلا والحب ما قصر=ضمد جروحه وغنى ( لا متى صابر )
اغمدت خنجرك في شريانه الابهر=ونزعتها وانت في ليل الجفا سامر
ما اطيعهم لو حكوا عن غدرة الخنجر=الغادر اللي طعن بالخنجر الغادر
ملتك الاسفار من مهجر إلى مهجر=متى تبطل عن الأسفار يا مسافر ؟؟
يا ( قيس ) : طش الشداد و نوخ الضمر=( ليلاك )خانت , وراحت مع ( بني عامر )
وسلامة قلوبكم |
صح لسانك ولله يقويك كل بيت اجمل من الثاني
قصيده بماتعني الكلمه حيث الابداع والترابط والحبك الفكري
وما قول إلا هكذا الشعر والا بلاش