الاحلام كأسراب الطيور المهاجره عندما لاتتحقق ..!!
الشعر ربما يكون خيال خالي من الحقيقه وربما يكون العكس ..
اقبلوها كما هي :
البنت هـذي ماهداهـا الله وشافـت حالـي=من بعد ماغارت على جروحي غصب وادمتها
الكاااارثه جتني بوقـت ٍ جعـل مالـه والـي=تبي تكحل لي عيون العاطفه ..وأعمتهـا !!
حتى تعرضنـي جفاهـا والسبـب"أهمالـي"=اللـي جبرنـي استقـر بوسـط دوامتـهـا
كل مااحـاول آتناساهـا تجـي فـي بالـي=ويطري علي "عيونهـا" و"خدودهـا" و"بسمتهـا"!!
حتى بمنامي كل مااغفـي طيفهـا يورالـي=واشوفها تقبل وانـا ميـت علـى ضمتهـا
إليـن مـدت يدهـا ثـم مسكـت "شمالـي"=وحسيت انا يدي "اليميـن" تلامـس "بجامتهـا"
حتى شعـرت انفاسهـا ماجتنـي إلا تالـي=ولااختفـت إلا بعـد مانـزّلـت هامتـهـا !
علمي بها من يوم قالت : آسفـه ياالغالـي=ولليـوم هـذا مانسيـت بذمتـي كلمتـهـا
ياكثر مااقلـب "رسايلهـا" وسـط "جوالـي"=والذاكره مـن بعدهـا حـرّمـت ماافرمتهـا
اللي بقى لي من هداياهـا " قلـم أيطالـي"=و"ساعه بسيطه" بس عندي يااااكبر قيمتهـااا
راحت وخلتنـي اجـر فـبعدهـا ..موالـي= والمشكله لاعاده الله مـن "ولـد عمتهـا"!!
اللي هدم مستقبلـي وضيّـع علـيّ آمالـي= من يوم قالوا انه غـدا نصيبهـا وقسمتهـا
ومن بعد مده شفت لي منظر وقطّـع حالـي= يوم اقبلـت يمـي تحلـف بدينهـا وذمتهـا
اللي ذبحني مو غلاهـا يـوم جـات قبالـي= اللي ذبحني "طفلها" اللـي بيـد "خدامتهـا" !!!