طعناتـك اللـي بالظهـر مستمـره= مانبهتـك انـك علّيـه تمـاديـت
وليـا دمحتلـك الخطـأ كـم مـره = ماهو دليل أني علـى ردك أزريـت
وان كان ماينفـع معـاك التشـره = ماينفعك ياحيف . ياعـل . ياليـت
غص البحر واكسب من اللـول دره = والا ترى في ليـت ماينبنـي بيـت
من مايسـرك بالزمـن لا تضـره = خله يولي واحسبه بالعـرب ميـت
واللي قبـل خيـره يبـادرك شـره = ماينذخر عونـاً ليـا منـك أبليـت
واللي بصنـدوق الضمايـر مقـره = لا ترخصه بالسوم يرخص ليا اغليت
قلّب موازيـن الدهـر الـف مـره = اي الدهور اللي عليهـا استقريـت
شف القمر حولـه نجـوم المجـره = شوف النجـوم وعدهـا لا توريـت
تبدلـت مـاعـاد فيـهـا مـبـره = النـاس ماترحـم ليامـن تحلويـت
لا تحسب أطعون الحشـا مستقـره = أنا تـرى منهـا تعبـت وتشقيـت
وليـا دمحتلـك الخطـأ كـم مـره = ماهو دليل أني علـى ردك أزريـت