شم الجبال النايفات ارتقيها= واصيح باعلى صوت واذب طاروق
النفس تبني همها في يديها=تترك خفوقي خلف الاضلاع محروق
ياوينها سحب الحنان ارتجيها =تروي ضمايه عن صدى كل مخلوق
ارض الوصل يجدب بها عاذليها=والمزن لامنه لفى تضوي ابروق
ياقطرة امطار الوفى علليها=واسقي غلايه روحها علها تروق
فوحي لها زهرة وفى عطريها=قولي لها شوقي لها ساقني سوق
يااروع ابيات القصيده عطيها=وصف الغلا لاصار في عذب منطوق
ياليتها بين الضلوع احتميها= واريح القلب المعنا من الشوق
فيني امل يبني امل واحتريها=ولها مقام (ن)داخلي فوق مرموق
اصخر ابيات الموده تجيها= واجيب وصف(ن)ميزته غير مطروق
اخصها بنهج الغلا واجتبيها=وعن غيرها نلقا لها عدة افروق
ابدا بها رحلت عمر وانتهيها=قصة محبه تنضم الود في طوق