اقتباس:
المشاركة الأصلية كتبت بواسطة حمد الوايلي
اذا امنياتي وحلمي والهوى ضدي =وش حيلتي في مشاكل تحجب امرادي
مجبور اسايس شقاها لين ماتعدي=وادله النفس عنها بقولتي عادي
اصبر واكامد واعاني وانفجر سدي=والهم طول وهمي بالخفا زادي
أسال عن اسباب همي وانتظر ردي=وتنزف بقايا جروحي داخل افوادي
اعاتب اللي يقصر في جزى مدي=واشره على اللي عليه الطيب معتادي
بيني وبينه طريق الود ممتدي=وعلى مطايا الموده جاهز اشدادي
ياعاذل القلب ماانته كاسبن صدي=وشوقي لخلي تغناواطرب الشادي
ودام العلاقه بحبل الوصل تنشدي=القصة اللي مضت به دوم تنعادي
آخذ من امسي دروسي وارسم لغدي=واكسر حواجز بدربي حدها الحادي
ودام الاماني وحلمي والهوى ضدي =مابه حلول لمشاكل تحجب امرادي
|
مبدع يا حمد ....
الف صح لسانك ولا هنت ...
بحر رائع وقافية رائعة وشاعرية متدفقة ...