بلا مقدمات
الاهداء لروح البياض خالد عمري
يسعد مساء أهل الحفر والقريات=ورفحاء وعرعر والذي بينهن بين
طلقه ..ونزف ..وصدر بالي ..واهااات=وحلم .. وطفوله ..وإنكساره .. وتأبيين
وعيون عاجوز ٍ ..رمدها المسافات=تقراء الزمن قدام تقراء العنا/وين
وتقراء مواعيد الزمان القديمات=واحلامها اللي قبل خمسة وعشرين
والشعره اللي مرغلة طهر الاصوات=يجرح سناها عتمة الليل .. تلوين
والدفتر اللي فيه بعض الوريقات=واثبات ..نفي إثبات ..يعني ..مقيمين
فيه الكفن أسود ..وهو تو مامات=وفيه الصور ل أشخاص ماهم بحيين
والهمهمه في زفرت الاااه لحظات=تصدم أماني حلمها ..اقوال بعدين
كانت بدايتها مع الشعر بسكات=طفلة ويحمل صدرها قلب طفلين
كانت تترجم شوقها ب البويتات=وان صملت زادت على البيت بيتين
وكانت تحاول تستر بصدرها رفات=حتى فضحها نقش بجدارها الطين
بيت يقول إن كان ب احيائنا اموات=ما به رجا ..ب أموات بالاسم حيين
منها بديت أتعلم الجلد.. للذات=واقول لا للصمت ب اسم الشريفيين
ماضل بي هقوات وان ضل هقوات=قولوا عليها ..يقبلون المعزيين
ماعاد بي رجوات ..وان ضل رجوات=يحرم علي إن كانها ..للمقفيين
من خاف يسلم صح ..بس ب إهانات=وحنا خلقنا الله ..ناس ٍ عزيزين
بسمالنا ..نرفع سمو المقامات=حتى لو انا ما ملكنا ..ولا شين
وبجلودنا نشيل بالفقر ..هامات=ولا نعيش بتخمة المال ..واطيين
ولو جفت عروق الدمى بالكريات=ماجف جرح ٍ الطلقة اللي من سنين
جرح لبسنا ثوب ..وبلبسه عرات=من طين ..نشكي للفلس يافلس ..طين
جرح لبسنا بشت حلم ..ومتاهات= الين صرنا ..ب التأقلم بليديين
جرح بدا بالطلقة اللي لنا جات=وحنا صغار ولا نحسب ل بعدين
يومننا ..كنا سوا ..والبنيات=نلعب بلا تفريق في مجتمع زين
الين ضيعنا الزمن بالمسا/فات=وصدفة ..لقينا ما نقشناه من حين
بيت شكى ل أطفالنا من سنوات=محفور من صدقة على جدارنا الطين
بيت يقول بماضي الوقت مافات=حلم يردد للفقارى ..على وين ..!
كان الوطن ..مربى ..وامة وقادات=حنا ربينا ..به وحنا وراعيين
من حبنا له ..مابعد قلنا له هات=يا يوووه من هالحب كم مدنا دين
وكان الوطن ..يعني وطن (صح) مامات=حنا فدى له ..لو يقولون من طين
وكان الوطن هو نفط.. واوراق.. واثبات=فل يشهد التاريخ ..إنا بريين
طلقه ..ونزف ..وصدر بالي ..واهااات=وحلم .. وطفولة ..وإنكساره .. وتأبيين
وعيون عاجوز ٍ ..رمدها المسافات=تقراء الزمن قدام تقراء العنا/وين