اقتباس:
المشاركة الأصلية كتبت بواسطة شمالي عز
•·.·°¯`·.·• ( ~انا لولا غــلا نجـد العذيّ وعشقي ترابه~ ) •·.·°¯`·.·•
انا لولا غلا نجد العذيّ وعشقي ترابه
لأسجّ اقدام رجليّ الهزيله للشقى عنها
وانا لولا خفوقي بالهوى مستحمل مصابه
لاموت من العيون اللي تعذّبني محاسنها
وانا لولا الصديق اللي لخفّاقي فتح بابه
لاقول الناس ماترحم أشافيها ألآسنها
وانا لولا العدوّ اللي خفوقي حاسب حسابه
لقيت ان الحشا ترجي رديّ الناس واشينها
ولو ذاك الطريق اللي خذا ذاك الغضي جابه
ضحكنا.. مابكينا والعيون اهتزّ ساكنها
كثير اشياء يجهلها الحبيب بعالم احبابه
تخالف بالحياة الناس خافيها ومعدنها
جهلنا بالزمان اللي علينا كشّر انيابه
وصار بوقتنا العليا تبارى مع مطامنها
كبيره طعنة الفرقا على الخفّاق جلاّبه
جروحٍ في عيون الهم والاحزان ساجنها
حبيبٍ بالهوى فيني حلومٍ تشكي غيابه
تجمّع في دجى ليلي عسى ربي يسكنها
حزينٍ بالزمن تايه وهم وضيم اصحابه
عيونه هاجس الفرقا عن المرقاد جنّنها
الا يالله انا قلبي رجيتك حلّت انشابه
بعد روحي .. تراني طالبك يالله حصّنها
|
.
.
انا لولا غــلا نجـد العذيّ وعشقي ترابه
صح لسان قايلها عبد العزيز الدهمشي
وعلا شان من جابها اخوي
شمالي عز
مدح نجد وهي تستاهل المدح
ألف شكر لك يا
شمالي عز
وبإذن الله من ضمن المتابعين لجديدك
لا خلا ولا عدم
تقديري
هيــــاااا