[هيـاا العـازمـي]

المشاركة الأصلية كتبت بواسطة صالح الجطيلي

السلام عليكم ورحمة الله وبركاته



( الفتوى أضغاث أحلام )

ياشيخ .. جيتك من هواجيس ٍ رحاها iiتستدير=اسباب حلم ٍ .. ياالهي .. من عواقبه iiانجني
ياشيخ .. تكفا .. فسّره يومك بتفسيره خبير=من روعته لامهتني زادي .. ولا نومي هني
ياشيخ .. انا ماني بكافر .. يزبن مشعوذ حقير=ياشيخ .. جيتك مسلم ٍ ويقول : يارب iiاهدني
ياشيخ .. ندري مايجي قبل رمضان الاّ iiالقصير=والموت .. ذيبٍ مادرى وين الرباع .. من iiالثني
ياشيخ .. انا عندي شدادٍ .. مير .. ماعندي iiبعير=ماولف قلبي عالشقا .... مير الشقا اللي .. iiولفني
حلمت ياشيخ بعقالي .. طايح ٍ في وسط iiبير=والناس حولي .. نوب تمسكني .. ونوب iiتهدني
وهجيت ابي الجيره .. لقيت( الضبع) ياشيخ المجير=وطحت بردى الثنتين .. يانّي آكله .. والا .. iiاكلني
قلت أعطي الخبت اقدمي .. مثل السروق iiالمستذير=واذا ( جهينه ) عندها صدق الخبر.. iiصرت(جهني)
وكنّي زبنت ظلال نخله .. باتفيّا من الهجير=والاّ انّي بجّذع ٍ يقلْ :- ماغير ( مريم) iiهزّني
وشفت النبي ( يوسف ) بيده ( صواع ) مليانٍ iiشعير=وفي رحل (بنيامين) .. ذيب يقول :- معكم ودّني
(وسبعة سنابل) .. وسط حقل .. براس ضلع .. اكلته طير=وسنينها اْربعطش ..( سبع عجاف) ..( في سبع ٍ iiسني)
واصوات رجلين البشر ( للنمل ) بالأمن iiالبشير=( والهدهد ) يدوّر على ( بلقيس ) من بين iiالبني
وكنّي حطبت من السّمر في صيف برده iiزمهرير=واْخذت لي عودٍ من الحزمه باْشبّه .. iiشبّني
وشوي والا ّ انّي .. تقل مظلوم في امر ٍ iiخطير=في ديرةٍ .. واصفى هواها كان .. عج ٍّ سمّني
ديره .. بها ريش النعام يجّرح فراش iiالحصير=( وسبعين جدر ٍ ) .. ينهدم من شان جدر ٍ iiينبني
والله يجيرك شفت رزقي مثل بستان ٍ كبير=في مغرسه طيّب .. ولا ادري ليه .. ماطاب الجَني
( والطيب ) .. ذنبٍ مابعد عذّبه تأنيب الضمير=(والخبث) .. شاعر .. كل عذراء جاته تقول :- iiاهجني
( والشعر ) .. دجال ٍ ينادي : - يافرزدق .. iiياجرير=غنوّا معي ( يامن هواه اعزّه ... iiوأذلّني)
( والعين ) .. طرقي تخنقه غربه ويضنيه المسير=( والصدر) .. طفل من الغلا .. يشهق نشيدة موطني
واصغر عيالي يلفظ انفاسه على علبة iiعصير=المشكله ياشيخ .. قدّامي .. تقلْ .. iiماهمنّي
وكنّ ( الغنى ) .. فارس من الديباج .. وسلاحه iiحرير=ماله عدوّ الاّ ( الفقر) .. كم جاب قاصيه iiالدني
( والفقر ) .. عودٍ .. له مرَه مشلوله.. وورع ٍ iiضرير=في ارذل العمر .. ان وِقَفْ .. قاصي شموخه iiمنحني
مير افتني ياشيخ .. مين افضل ؟ جزاك الله خير=ماادري الغني ؟ والاّ فقير الحال ؟ .. ياشيخ iiافتني
هو ( الغني ).. اللي يزكّي بالسنه .. مرّه .. iiفقير=والاّ ( الفقير ) اللي .. قضى عمره زكاةٍ للغني

الشاعر محمد الدحيمي

.
.
.

الله الله الله يا صالح الجطيلي

قصيدة رائعة رائعة رائعة

الله يبيض وجهك يالسنافي

الحقيقه هذي اول مره اقرأ لـ للشاعر محمد الدحيمي

والعجب كل العجب من الأبيات

إسلوب شعري جمع فيه الشاعر ما بين القصيد الأصيل القديم وبراعة الشعر المعاصر

صح الله لساانه وبوحه وفكره

وبارك الله فيك

وأمدك بالصحة والعافيه

لاعدمتك

تقديري

هيــــاااا