[المسيكي]

سلام عليكم

مسيتم بالخير جميع ،،،

بليا مقدمات ،، نترككم مع القصيدة

الذود مناي=نديته جاي
على مشهاي=بهـاكالطفطوف
وضح ٍ لهاق= مابه اشفاق
جت لي طباق=تشدا الشاحوف
راحن هجيج=تلعج لعيج
وهَجها يهيج=نور ٍوطيوف
يبراله حمْر=كنها الجمْر
ومعها قمْر=جني اردوف
اللي رهواد=مع الحماد
لاجت بحياد=بهاكالقفقوف
بحد السّمار=من الحَمَار
تاطا الاحجار=ابحد لغوف
ناوي الفلاه=رجلي تاطاه
ونار الغضاه=لهبها يحوف
بهاكاللولاح=بالي منساح
مع الطفّاح=ماجينا جنوف
وأحلب مسوح=واخذ صبوح
يمّه اروح=بليا كلوف
دلالي صف=فنجاله يشف
بيمين الكف=مابه عزوف
ذاك المرام=مع العدام
نمشي قدام=نسرف سروف
مانحسب مال=ولاني بحال
أبي المدهال=دون الكسوف
أبحد ديار=هاكالنوار
مع الاشجار=لها نشوف
نروح نسج=نهجّ الفج
مع المفج=والقالي خشوف
بيميني ام خمس=من فوق الجمس
نطيّر عمس=بالدار نطوف
وقت الربيع=والماء نقيع
حوله نجيع=أهل المعروف
براس الطويل=معيه دربيل
نمشي نميل=ونوب ٍوقوف
أبي المرواح=مع الصباح
أخذ مشواح=يم الغطروف
زهاه الزين=شكله حسين
جيته باللين=وارسلت زروف
باول كلام=قلت السلام
ورد شمام=وش بك منحوف
قلت هذا منك=لاغبنا عنك
يجيني ضنك=كلي ملهوف
أنا أبيك=مابه تشكيك
نبي نجيك=لو نلقا صدوف
قالّي معاك=على مشهاك
لا تبعناك=مابنا خوف
وسكت وقال=أرني بالحال
ابهاكالجال=حدر الجروف
غرو ٍ جميل=عينه كحيل
شوفه يهيل=هايف سرجوف
انهوده طنش=انشن مع انش
روّحنا فنش=نشفنا نشوف
ثنايا بيض=مابه نقيض
معها نهيض=ننكس نكوف
نجل العيون=وسود اللون
بها مفتون=ارموشه صفوف
قرنه للردف=وقذوله هدف
جالس بالعدف=بالعدوه ينوف
بهاكالقرشوع=جيته مولوع
يمّه نسوع=أبي المولوف
شفت الخدود=مثل الورود
لا هب النود=الشيله تهوف
هب الذعذاع=شال المنّاع
مغشاه انساع=طاحت بكتوف
مثله ماشفت=لو اني طفت
وغيره عفت=كله منسوف
عقل وجمال=شيّ ٍ خيال
جيته بالحال=لابس نفنوف
جيته بالطيب=مانبي العيب
نجنّب تجنيب=ماني هذلوف
وعدته وقلت=مالك بدّلت
ويمه ملت=عطيته كهوف
شيّ ٍ خطير=ماهو تحزير
عندي يصير=ماله حروف
سرّ ٍ واسرار=ياللي محتار
مالك به طار=لو جيت زفوف
هذا معناي=مديت رشاي
ماقلت الداي=ولاني منقوف
هذا الكلام=باخر ختام
مني سلام=مرسل معزوف

فهد بن عبدالعزيز السبيعي العنزي