لو يتصالح بوش مع حاكم ايران
ببدى القصيدة دون أياة عنوان=حبك محى يابنت كل العناوين
أن قلتلك اني على الحب شفقان=وشهو جوابك قولي ياروعة الزين
قولي بصراحة ياهوى كل عشقان= وياك انك بالمحبة تمنين
الحب صعب انا نرده اذا حان=مايمنعه أية نظاماً ولا دين
حب الشرف اقصد ولاني بغلطان=هذا طموح اللي على الود صافين
ماني مدور للردى أي بيبان=لان الردى ماهو شعار الشريفين
ولاني مثل غيري مع الحب شيطان=حبي صريح وثابت ٍله قوانين
ودي المحبه بينناتعتلي الشان=وكلٍ يشيد بحبنابالدواوين
ويصير حبٍ لاهل العشق ميزان=وكلٍ يقول انا على الحب وافين
ودي جميع الناس تذكر عشيقان=في وقتنا الحالي ولو مر قرنين
ويقول جيلٍ بعدنا فيه أثنان=مامثلهم بالحب يصدق به اثنين
ماجد مع اللي حبها ذيك الأزمان=ماظن ياصل حبهم احدٍ الحين
هذا طموحي وانشكف مني وبان=عساه يتحقق وعندي تعيشين
لأني احبك حب ماحبه انسان=والضاهر انك ياهوى القلب تدرين
أني أريدك دايم الدوم بجنان=ولا ودي انك عن عيوني تغيبين
دامك معي هاليوم باعيش فرحان=واعيش طول العمر ضمن السعيدين
ولا زل عن حبك ولاني بندمان=لوعاندت حبي جميع السلاطين
ولوهم رموني بالسجن خلف قضبان=او حاكموني مثل صدام حكمين
اواتهمت اليوم مع كل طغيان=وريس عصابه مختفي من له السنين
والا ارهابي من جماعات الأخوان=في غوانتانامو احسب اليوم يومين
ماهمني يابنت ظلمٍ وبهتان=لوني اصير اليوم ضمن التعيسين
باثور من أجلك كما ثور بركان=ماثار مثله بالطبيعه براكين
بواجه العالم بحربٍ وعصيان=واشب نار الحرب ضد العدويين
اللي يحاول يبعدك غصب شقيان=ويصبح ترى يابنت ضمن الشقيين
ببحر معك بالحب واصير قبطان=وخط اتجاهي ماله اليوم خطين
والمستحيل يصير ياغصن الألبان=أني ابدل حبك اليوم بالهين
لوالكيان اليوم ينصف لنصفان=ومن كل شي يصبح اليوم شيين
وان كان من واقعك تبغين برهان=من شان منه ياحياتي تقيسين
لو يتصالح بوش مع حاكم ايران=أويعلن الكونجرس عودة فلسطين
والا يعود اليوم هتلر للألمان=ويبدل الجزيه على اللي مجازين
مابدله حبك وانا منه رويان=والقلب منه مرتوي والشرايين
هذا شعوري وانسكب دون عنوان=ولاني مدور بعد حبك عناوين
أبختصر حبك انا اليوم بأمران=إنك حياة الروح والنور للعين
=============================
========================
موضة وتطوير
اشوف لي ناسٍ هوت كل تغيير=ترغب بتبديل المذاهب والافكار
تبغى تغيرفكرها شين تفكير= وتقول هذا الفكر يجلب لنا العار
احترت في امري وتفكير هالغير= واصبحت في دنياي هايم ومحتار
من شوف بعض الناس في سوء تقدير=ماخذمن اهل الغرب له فكر واشعار
ومقلدٍ هالغرب في كل تصوير=ماهمته سمعه وللدين ماغار
لابس له الباسٍ وفي لبسه ايثير= من شاف لبسه غض طرفه والانظار
لبسه اذا شفته مصيبه وتكدير= جنزٍعريض وزايدٍ عدة اشبار
ولابس مع الباسه سلاسل وساوير=ويميل في مشيه مع الدرب لا سار
والشعريا طوله وله قصةٍ غير= ومع طول شعره زايدٍ طول الأظفار
ومزين اضفاره بصبغ المناكير= شكله اذا شفته كما البنت قدصار
والبودره بالوجه زايد بها خير=من شاف شكله يحسبه كله اغبار
شكله تغير ماذخر فيه تقصير= ماتحسبه لا شفت نسلٍ للاحرار
هرجه كثير ولافهم منه تعبير= ياخذ ويعطي دايم الدوم ثرثار
كذاب هرج وزاد هرجه بتبهير= ماخاف ربه ماتقى حرة النار
اليانشده قال موضه وتطوير= يفخر بفعله دون شكٍ او انكار
واليانصحته انتفخ دون تبرير= واليا تركته أتجه نحوالأدبار
مافيه عز ولانفع فيه تحذير= ولا ينفعك فعله مع الوقت لوثار
اليا بخصته مابه اياة تنوير= ولا تامنه والله على حرمة الدار
ماينحسب هالوقت ضمن المناعير=مافيه غيره لا ولا أيات إصرار
مضيع ٍوقته بلعبٍ وتزمير= تلقاه يضرب طبلته دوم والطار
ومضيع الصحه على نفخة الكير= ينداش راسه لا فقد قطف سيجار
وامبعثر امواله وعايش بتبذير= محدٍ يعزه ولاله أيات مقدار
هذي حقيقه قلتها دون تشهير= مامقصدي منها مضره او اضرار
الهرج واضح مابغى ايات تفسير=وهذي النصيحه قلتها لاهل الابصار
واطلب من المولى وهو رازق الطير= وميسر الدروبه مع الصبح لاطار
انه يوفقنالحسن التدابير= ويحمي شباب الدين من كل الاخطار
وختامها صلو على ناشر الخير= اعداد ماهلت من الغيم الأمطار
على النبي اللي على نهجه انسير= صفوة جميع الخلق هو سيد الاخيار
وسلامتكم
====================================