[بندر البجيدي]

أتمنى ان تنال اعجابكم

على قطار أهل المحبة قلت أبـزور الحبيـب=ودي اجيله واسئلـه وانـا لـي مـدّه تاركـه
هل الغلا اللي نذكره باقي على الوقت الصعيب=من شـان أثبـت جيّتـي وأعاهـده وأباركـه
وإن كان بعدي عنّهم نسّاه مـن كـان الطبيـب=حسبي على دولتـْه أول مـن قبل جماركـه
غروٍ سبا قلبي سنه وأصبحت منّه مستصيـب=أدركت مافي خاطري ومثلي بعد هـو داركـه
والعزة فيني تمنعن تقول مالـك بـه نصيـب=والشوق يشكي لهفتي لأجل الحنيـن يعاركـه
ياما حشمت محبته ورافعه عـن كـل عيـب=وياما دفنتـه بالهدايـا كله أفضـل ماركـه
وياما رقى في دنيتي واشوفـه بعينـي لبيـب=كنّه ترأس له عـرب والخـدم قدمـه باركـه
علّي أحقق مهجتي واعالج القلـب الصويـب=ابيه يبقـى جانبـي حتـى بالعمـر اشاركـه
جيته وأثرْهـا ليلتـه ويـدّه بيدّيـن الخطيـب=ومن حر ماشفته انا ماتت شعـوري الحاركـه
أقبلت يمه وانتثر دمعي علـى خـدّي صبيـب=قلته واقفيت بحـزن (عسـاه ليلـه مباركـه)

اخوكم

بندر نغيمش البجيدي