اقتباس:
المشاركة الأصلية كتبت بواسطة فهد الشافي
قصيدة جزلة ذات معاني واساليب حديثة
شاعرنا القدير صالح الجطيلي احسنت لهذا الابداع المميز
فائق تحياتي
يزهى العقال الزين روس المطانيخ
يزهى على راس العقيد المـذرب
طبخ الجزايل فاق نفـخ الطبابيـخ
لا صار للشعار غايـه ومطلـب
يا الرميح يا نقوة اقروم المصاليخ
انا على مدحك با الابيات اطـرب
وان فاخ غيري عنك والله مافيـخ
ولو قلت احبك فيك ما نوفي الحب
يا اللي لك بقلبي مبانـي وتاريـخ
ودواي لاحدن زماني على الطـب
افز لك فـزة كبـار الصواريـخ
ولا كما المقروص من سم عقرب
اعيال وايل كـل ابوهـم مطانيـخ
هذا الكلام الواقعـي والمجـرب
ارداهم اللي وقفته وقفـة الصيـخ
ما ينثني لو هو على الموت قرب
|
اخوي فهد الشافي
الله لا يهينك على الكلام الطيب والمرور المشرف
واذا فيه ابداع فهو مرورك
دمت بود