[منصور الرويلي]

[poet font="Tahoma,5,black,normal,normal" bkcolor="transparent" bkimage="backgrounds/18.gif" border="none,4,gray" type=2 line=200% align=center use=ex length=0 char="" num="0,black" filter=""]
الــصــــدفــة ؟

0

رمتني الصدفه بساحل عيونك=ووقفت أطالع سلهمة نجلك السود
أقطع خيوط الشك دوني ودونك= ولك ماتبي مني بلا شرط وقيود
هـونك علّي بطعنة العين هونك= قلت أرحمي ماقلت لك أطعني زود
أرض الجفاف اللى تحرى مزونك=بين المحال وهاجس أيامي السود
كان الشعر يقدر يحرك شجونك= أكتبك شعراً مانكتب من عصر هـود
أرسم لك ألوان القوافي بلونك=وأخلـّـدك بالشـعـر يالـيّـن الـعـود
أرقاك برجوم القصايد وأصونك=عن عاذلٍ حاسد وعن كل منقود
وتأكدي كل المشاعر يـبـونك=كلي وفــا .. كلي مـواثـيـق وعـهـود
لــو غبت عني نظرتي ماتخونك=تبقى معي موجود لو ماأنت موجود
أن جيت يستولي فضا الحلم كونك= وأن رحت صرت لكل الاحلام موعود
يصادف التغــّـيير صعبك وهونك= ويـبادل الحرمان بأقبال وصدود
ومـدامها الصدفـه عـطـتـني عيونك =أصير لك موطن موده بلا حدود
[/poem]