اقتباس:
المشاركة الأصلية كتبت بواسطة سعود العواجي
مساء الخير ...
اعتذر عن الغياب ولكن للظروف احكام ..وماني جاي ويدي خاليه 
قصيده بسيطه ماامداني احط لها عنوان لعلها ترتقي لذائقتكم ..
من يوم ماشفت صورتك وتخيـلتك = وأنا لك الله غرقت بسيل نظراتك
أحس كني على رموش الغلا ..شلتك = وزرعت وردة غلاك بدرب جياتك
كم لي وانا احاول أفكك معادلتك = وألقاك تصعب علي بكل حالاتك
قطفت توتك وغرتني فراولتك = وأسلوبك العذب خالط حسن نياتك
رفيع ذوقك وراقي في معاملتك = وادبك دايم يسولف لي عن سكاتك
الله مااكبر غلاك وكبر منزلتك = لو انت تطلب عيوني قلت لك : جاتك !!
لكن تأكد إذا سولفت وأخجلتك = من شان امتع نظر عيني بوجناتك
وإذا تبي تشوف من تشبه لك بطلتك = وقـّف بكامل ثقتك وطالع مراتك
مدام تشبه عفاف الغيم في حـلتك = حرام اصلا ً تشـّبه فيك خيّاتك !
مشكلتي اني احبك وانت مشكلتك = انك تظن العذارى سون سواتك
بدلـّلك وآتحمل ثقل أسألتك = لو كان مالي أجابه عند غاياتك
من كثر ماشفت هالصوره وغازلتك = حسيت كني غرقت بمعمعة ذاتك
استغفر الله لو انك عندي آكلتك = لكن حشمتك عن الزلات واحياتك
|
الاخ العزيز سعود العواجي
صح لسانك واعتلا شانك
منـــــور يا سعود
افتقدناك يارجل وها انت ترضينا بهذه الرائعه
صح لسانك مرة اخرى
اسأل الله لك التوفيق
دمت بود