بمناسبة مايسمى عيد الحب
كتبت هذه القصيده وعساها تنال اعجابكم
قالت علامك غايـبٍ لـك يوميـن=وش أخرك ما جيت يا ابن الحموله
ما تدري أنه أمس عيد المحبيـن=واحتفلوا العشاق في كـل دولـه
الظاهرأنك مـا تعـرف القوانيـن=والحب ما تعرفه ولا تعرف أصوله
النـاس فرحانـه بعيـد الفلنتيـن=وانا الحالي أسهـر الليـل طولـه
تلعب بي الأفكـار يسـار ويميـن=معقول تنسانـي بهـذه السهولـه
انته تعرف اني أحبك مـن سنيـن=حبك بقلبي من سنيـن الطفولـه
قلت العفو يا سيد كـل المزاييـن=عساك ما انتي يا حياتي مهبولـه
أي عيد هذا اللـي عنـه تقوليـن=الديـن واضـح بينـاتٍ فصولـه
اللي نعرفه بالسنه فيـه عيديـن=بانت بشرع الله وسنـة رسولـه
خلي أعياد الغرب يا بنت تكفيـن=تقليدهم مـا فيـه عـز وبطولـه
ابي أنهي الموضوع وأختم بيتيـن=خلك معايه واسمعي ويش أقولـه
انتي ترى مسكنك في داخل العيـن=ومكانتك باالقلب ما احـدٍ يطولـه
واللي أعرفه بالسنه فيـه عيديـن=وثالث أعيادي شوفتك يا مهبولـه
وســــلا مــتــكــم