.................
.......................
.
.
.[/align]
...
.
تحيه عطرة لقلوبكم النقيه
وأليكم هذه المتوااضعه التي اتمنى ان ترضي ذائقتكم
....
.
.
.
الرساااله
كنت احسب/ن صوت الرساله يذكرك = وتردلي ياصاحبي ابرساله
في شاشة الجوال جالس ادورك = ودي بشيٍ منك واضحك قباله
لوهي رسالة فارغة ما تخسرك = تسعد بها قلبي وتكسب وصاله
وترفع رصيدك وسط جوفي ووفرك= وحفظك مثل اللي حفظ راس ماله
واخذك رمزن في حياتي وشفرك = ولحدن ينول الرمز لو طال باله
وتبقى عشير الروح ماني بمنكرك = لو انكر الاب الحنين عياله
هذي الحقيقه ياهوايه وبشرك = مافيه غيرك تل قلبي وناله
وان كانها للشّعر بكتب وصورك = واكشف لك احساسي وتصوير حاله
وتصبح قصيده بين الاضلاع اسطرك= من شان نسيانك يصير استحاله
وحفظك في جوفي ولاني بناشرك =وحقوق نشرك مالها من وكاله
نعم كذا باجيك كلي واقدرك = اللي مثل قلبك وجوب اعناله
وفك قيدك من همومك وحررك = وتشوف عندي كيف مبدا العداله
هذا شعور القلب جالك يخبرك= غصب/ن لفظته في لساني وقاله
ودامه تأخر ردك اليوم بعذرك = واقول انا الأرسال مبعد مجاله
ولاني مدورلك كلام/ن يكدرك = وان مانفع عذر/ن ادور بداله
لكن يمر بخاطري وش مأخرك = ماتدري ان البعد صعب احتماله
ليتك تجاوب من بروحه معاشرك = وقلبه من الأشواق لك حيل واله
هل هو جفا والا هو الظرف مجبرك = تكفى حبيبي جاوبه عن سؤاله
(وسلاامتكم )
.............................
.
عمر المهااااايط مابنى مجد امه
....
.
الحر يكـفخ للسماء مايهمه = ولا يلتفت للأرض ياكـود للصيد
دايم مقرة معتلى فوق قمه = وعن عادته لو طال وقته فلا يحيد
فعلة شريف ولابنا من يذمه=ولاهو محصل في صفاته مناقيد
ان جيت للنظرة تأدي مهمه = واحيان حرة نظرته يمكن تبيد
كذا عرفت الحر فعلة يتمه = وان شن غارة ماسبقها بتهديد
ماهو من اللي نظرته صوب كمه = رفيع همه مارضخ لاي تقييد
هقوته ماتقبل قيودٍ تظمه =يكفخ بجنحانه على كيف مايريد
وقوة طموحه للمعالي تزمة = طبعه كذا ماضفت له أي تجديد
.
.
الشهم ماتحجب فعايله غمه= تقدح فعاله مثل نار البواريد
ويحن يم الطيب كالطفل لأمه =ويفرح بفعله فرحة الطفل بالعيد
واذ هي على الفزعه عميقٍ مجمه= يروي بفزعاته رجالٍ مجاهيد
(ذا راعي الفزعه بلاشك سمه) = له فزعتٍ ماقننت بالمواعيد
وهذا قرين الحر والقول ذمه = ولا هو بحاجة لاي دعمٍ وتعميد
.
.
والا العفن بارد شعوره ودمه= متجردٍ فعله من الطيب تجريد
لاراي ماشيبه ومبدا يعمه =والفعل ماحصل من القول تمجيد
كلمة( انا) في معجمه كل همه =ومحصلة كذبه مع العالم اتزيد
لا لا يغرك لو فتح كل فمه = الديك وش ينفع صياحه لويعيد
مثله تذمر منه خاله وعمه = مافيه عز ولا تحكمه تقاليد
ولحدٍ تنبهله ولا لد يمه= لانه فشيلة ينتمى للأجاويد
.
.
عمر المهايط مابنى مجد امه = وعمر( الأنا )ماوصلت بالمدى ابعيد
المجد مايبنيه هامل و(.....) = المجد مايبنيه كود الصناديد
اللي على عداهم حراباً مسمّه= واقوالهم ماتخالف الفعل بالأيد
درسٍ شرحته كل فاهم يصمه = دخلت في صلبه ومن غير تمهيد
........
.
.
وسلااامتكم