اقتباس:
المشاركة الأصلية كتبت بواسطة عمر الأسمر البنتان
,,," سـلامـن لــشـمـّر ",,,
يسوق القدر حظي على شوف ضوء الفجر = وأكابر مكدر والليالي تحدحدني
وأنا عزوتي تردع هل العار قوم الفجر = ولو نزوة أنفار البشر تب تواددني
يافكري تنومس في نوايا زمان الغدر = وربي لا أطيحّ كل راسن يعاندني
سلامن يسل الهرج مني بحس الندر = سلامن يجيك ولو بدارك تباعدني
ياخلي طلبتك لو يجي دم شعري هدر = تحزم وسد النزف وإفزع تساعدني
وربي بإن وجهك فدى لألف وجهن ودر = عسا في حياتي ما أخسرك يامجندني
وصية وطلبة لو تعلمت كيف تغدر = خذ لدفتري وإقرا حروفي وشاهدني
ولو السمؤال وافي ودين شخصه كفر = أنا أوفى وأصدق والليالي تعاندني
مشيت بطريقن مظلم وقمت أناظر حدر = أشوف الضيا من طيفك اللي يراودني
الا ويل قلبي كل ماخرمست يالبدر= تشع الطريق اللي ظلامه يهددني
كتبت القصيدة فيك من عجزها للصدر = أمانيي الخمسة بدهشة تبددني
عسا من بقلبي غلا أو بأبلغ قدر = يجي يمي بذلة ويرجي يناشدني
يقول المفارق صعب ويضيّق أوسع صدر = وأنا قبل قلته له ولاجا يطاردني
وأسامحه وأصفح والجسد من غلاته خدر = ألا يابعد عشرين واحد مواعدني
أقول الرجال قلوبهم به شموخ وطهر = وطبعي كذا بعض المواقف تجددني
ألا يالله التوفيق ولك الولاء والشكر = تيسر دروبي وبصلاحي تسددني
ياكم بعض ناسن مالها بالسهل والوعر = بعضها يذم وبعضها ماينددني
ولكن ربوعي غير والمد يصبح جزر = سلامن لشمر خير ناسن تساندني
وسلامتكم
الشاعر / عمر الأسمر البنتان |
وســلامــي لــك.....يـارائـــع ســمعـتـها مـن قــبل واعــجـبتــني.
وهـا انــا اجــدد الإعــجــاب.والإشــاده..
صـــح لســانـــك....