عـرفت بالضيق .. وين الدرب والمرسا = قــيـّــد .. كلامي وخذ بالدرب .. ملحوظه
حفنة طواري .. على وجه الزمن يبسا = من عرض الامثال .. فية امثال محفوظه
ازبن عمامك .. بوجة الضيم لو يقسا = وازبن خوالك .. بوجه الجوع وعروضة
كذا المثل كان .. وقت السيف والفرسا = واليوم كل الدعاوي .. غصب مرضوضه
ضلت على نقــنـــقــت .. حوّامة المـمـسا = تعقد شوَش .. في شوَش .. بأفكار .. ممروضه
وشلون اصب الحكي .. وقلوبهم ملسا = ما تحفظ العلم .. والأيام مخضوضه
نظرات تصرخ .. حسد .. وعيونها .. خرسا = وشرطان اكاذيبها .. بالصدق مقروضه
أيطاليا .. تنفعل .. لو تضرب .. النمسا = وحنا النسيم .. يتمنى .. طيحة الروضه
نبكي .. على اطلال صرخة .. دمعة الخنسا = وانـعـيّــر اللي ورد غيره .. على حوضة
في دااائــره ضيقه .. نذكر .. ولا ننسى = بآراء متشتته .. وأفعال مرفوضه
من ذم الأجواد .. عامد يعقب ويخسى = قـيّــد .. كلامي بــعــد مـا قلت ملحوظه
عقـدت بوحـي علـى لسانـي.. وصحـانـي
صـوت ٍ ورى حسـرة ٍ بالقـلـب كرسيـهـا
تلـوي يديـن الكـلام .. ويثقـل ..السـانـي
كـل ما تجـنـبـتها ... رحـت اصـتــدم فيها
مـا غـير " اهــذري " .. واقـــول الله ياقــاني
وأنــا بـدوامـة ٍ .... تـغـرق موانيـهـا
بالجـادل أللـي.. علـى الضيقـات تحـدانـي
اقـول.. ابيهـا.. ومابيهـا.. وانـا.. ابيـهـا
جتنـي.. تغنـي اغانيهـا... علـى ألحـانـي
وأنـا .. علـى ألحانهـا.. قــّفـيـت .. اغنيهـا
صوت المشاعر لهـا ... لـدروب .. ودانـي
يبعـد .. ويبعـد.. !! ويبعدهـم .. ويدنيـهـا
مـن حـبها الشـوق .... يكبـر.. وسـط وجـدانـي
كـل وجهـة ٍ ... تـاخـذ أفـكـاري لــراضيـهـا
فيهـا"حيـا " غيـر عـادي.. حيـن تلقانـي
كأن ... نـظراتـها .. تخجـل .. مـن ايديهـا
يصبـغ .. بـــ وجــنـاتـهـا تـداخـل ألـوانـي
خلقه مـن الله ... بليـا احـراج ... معطيهـا
يعني..! نعومة " حيـا " مـا مثلهـا .. ثانـي
لو ترفع الصـوت ... فـي" مرحـب " تبكيهـا
ان سولفـت فجـر.. العـنـاب.. بنيـانـي
أضيع .. وأسرح .. علـى رقـة .. حكاويهـا
كـّـن الحكي.. غـصـب يطـلـع... ماهـو مدانـي
كلمة ... تدف كلمـة ٍ ... لفـراق.. أشافيهـا
ما ودها .. تروح ...مـن فمهـا... الـى الدانـي
بين الشفايـف ... " تكّـن " وهـي.. تعديهـا
وفيها زعــل.. غــاب .. مـا جيتـه... ولا جانـي
وفيها .. وفيها ... وش اللـي ظــّـل مـا فيهـا
راحــت .. وانا والسهر والجـرح واحزانـي
في ظهر مركب ... على مـيـنـا .... طواريهـا
وشلون .. كيف .. وعلى أي أساس ... تجفاني ؟!
وانا... على راحـت ايـدي... كنـت اداريهـا
عـجــزت .. ادوّر لهـا عـذر.ٍ ... لـهـجــرانـي
مابيـن... صـمـت الألـم ... وآمـال تـعـنـيهـا
كـنـي ....ادوّر .. لحاجـه بيـن... " غـرضـانـي "
ماعــرف وشهـي ....!! وأقـول أنـي ألاقيهـا
قولوا لهـا .. عـقـبهـا ....مـا شفـت كفانـي
" السـيـّل بـلـغ الـزبـى "... وان كـان يمّديهـا
ترجع ....وتورق جفاف البعـد.... باغصانـي
لـنـي... بمتـاهـات مــدري .. وش تواليـهـا .!!
وأللي عقد صوت بوحي... بأطـرف ألسااانـي
اقـــّـفـت.... وانا فـي عـلـو صوتـي ... اناديهـا
أخطيت من أول .. لك بشوق لبّيـت = وجيتك من عيون المعاناة .. جالـي
جيتك .. معي قلب ٍ .. بلياه رديـت = وبعيون طبعي .. شفتك انسان عالي
حسنك .. شغلني .. عنك لكني أغليت = ألين ما شفتك .. مثـل راس مالـي
مديت لك .. كف الغلا .. وانت مديت = غدر الزمـان .. وحكمـه الانتقالـي
جيتك على النيه من الشـوق طليـت = صبح ٍ .. حفظ عن غيب .. درس الليالي
خصيتني ... جـرح ٍ.. وبـدواه قفيـت = بـهبال طيبي .. لا .. بـطيبي هبالـي
حسيت متاخر .. بعد أيـش .. حسيـت = لما .. فقدت اغلى جـواب .. لسؤالـي
بنيت لك .. بيدي ولايـه .. تناسيـت؟! = وبلا .. ولايه .. أول .. تعيش .. والي
يعني عشان ارضيك .. كل شئ سويـت = ولا اخذت منك الا الشقـا .. وارتحالـي
الى هنـا .. كفيـت جـدا .. ووفيـت = مافي .. مكان لجرح .. والقلـب بالـي
" فل " الخفوق جروح اعطيت .. وارهيت = الين صار من الفـرح .. شبـه خالـي
انا على النيه .. من القلب لـك جيـت = واثرك .. تاخذ من جروحي .. تسالـي
صبرت .. لكنـك بطعنـك .. تماديـت = وانا اجني .. الطعنات على .. التوالـي
تعبت اطوّف لك .. ولا شفـت حسيـت = ذبحتنـي بأحساسـك .. الـلا مبالـي
خلاص ..! انت المخلص .. بطيب كفيت = ينسج وفاك .. احساس راقـي وعالـي
حضرتك .. ما تخطي ولا عمر .. زليت = دايـم انـا الظالـم .. وانـت المثالـي
من رقتك .. تسحب قدمك .. ان تمشيت = تخاف لا تجرح شعـور .. " الزوالـي "
تضحك على نفسك .. عشانك .. توازيت = ولا عـذر .. لمّـا سفهـت اتصـالـي
اقوووول // عاد اسمع .. ترى جد مليت = خلك معي " دغري " .. واخليـك غالـي
انطح .. صياح .. صياح .. لامني اخطيت = قديمه .. ألعـب غيرهـا .. يـا حلالـي
فكـّـــت .. قيـود الأستـذه ..!! وأنكسـر قـاف = تعـّـزف.. علـى جـرح الليـالـي نغمـهـا
جتني .. مثل فجرِ ٍ غـزا... ليـل.. شفـاف = معهـا ..قضيـة مـا لقـت مـن.. حسهمـا
بعيونهـا . طفـل ٍ . مـن الليـل .. خـواف = وبوجهـهـا... متناقـضـات.. إتحكـمـهـا
تغــص .. في عبرة . حـزن صوتهـا جـاف = مـرّبـك محيـاهـا .. ومـرّبـك نسمـهـا
متـردده جتنـي .. وقالـت "بـدر" حــاف = فـي نِبـرة ٍ شيـنـه ومــر ٍ ...طعمـهـا
قلت أسمعك .. قالـت "بـدر" والعمـر طـاف = ليه ..؟! الضعيفه... سلـّـمنا... ما رحمهـا.؟!!
وأسترسلت.. قالت حزن .. مسرف إسـراف = آمالـي البيضـا ... مـن ألـي هدمهـا؟!!!
ليه .. المريض يموت ما جات الإسعـاف؟!! = وليـه... الرذيلـه مـن لقاهـا خدمهـا ؟!!
وليـه ...العـرب ضحيـه لهـز الأرداف ؟!! = والكارثـه كّـدس .. لحمهـا.. شحمهـا.!!!!
وش ذنب .. بنت إتعيش في واقع إجحاف.؟!!! = مـن الفـراغ الوقـت ينهـش لحمـهـا.!!
قضـت .. "بكالريـوس" والناتـج إنـكـاف = في بيت أبوهـا ... كـل طـاري كتمهـا.!!
بلا عمل .! بلا زواج ٍ .! بـلا إنصـاف!!!! = تحدهـا نفـس ٍ ... ونفـس إتعصمهـا !!!!
أين المفر...؟!! مركب ومن غير مجـداف.!! = والمـوج عاتـي ...والنفـوس بوهمهـا.!!
هذي طقوسـي ... والحمـل يطحـن أكتـاف = أنثـى تبـرى راسهـا مــن قدمـهـا ..!!
أرسم بشعـرك .. لوحـة ٍ تحمـل أوصـاف = أنثى .. يشـوف الكـل.. موطـن ألمهـا !!
وأقّفـت بدمعـه كسّـرت .. رتـم الأعـراف = مّـدت جسـور الصمـت لـحـدوود فمـهـا
وخلـّـت معي شرهـة حـزن عاشـت القـاف = تعـزف علـى جــرح الليـالـي نغمـهـا
أنـا .. أوّل .. مـن يحـارب.. زمـرة التخـريـب .. والارهــاب
أحاربهـم .. بصـوت الحـق ... وأعـرف .. ويـن .. مضرابـي
ورى جهد الحكومة .. جهـدي الفـردي .. ينـال إعجـاب
يتوجنـي .. فخـر لأهــل البـلـد ... وأشــرّع أبـوابـي
أكافـح صاحـب .. الفكـر المشـوّه ... وآخــذ الأسـبـاب
غـلا لأهـل البلـد .. تسنـد حقيقـه داخـل ... كتـابـي
وأسانـد للبلـد .. وأهـل البـلـد .. ونـاطـح الـحـراب
ولا أبغـا .. مـن " هـل " البلـده .. ُجمـل مـدح ... إتغــنابـي
وعلـى بـاب النظـام الأقتصـادي ... أجمـع الاقـطـاب
وأحـارب .. سوقـه السـودا ... وعـذري .. للعـرب نـابـي
وتنامت .. وأنتشت .. بلده بها..." الـيـورانـّـيـم " .. خصـاب
وأنا .. ما قمـت أداري .. فجـوة التصريـح .. بخطابـي
وشّح .. أخوي عن وجهي .. عبارة نصـح .. ولا عتـاب
رغـم .. مـا بيننـا حاجـز .. ولا يسمـع بّـي ... الهابـي
أفكـر أنـي .. منّـزه .. عـن الشبـهـه ... مــع الأقــراب
وتماديت .. بخطا .. أجهل خطـاه .... وأعـزف أعجابـي
ولكن ..! صدمتي .. صارت تشّمـت ... فينـي الأغـراب
بعـد مـا شفـت ... سكـان البلـد .. شكوبـي .. إرهابـي
وهنـا لـدّت .. عيـون الكارثـه .. للمـاقـف الغّـصـاب
أنا .. معقووول ..! مـا يدّمـح خطايـه ... أقـرب أصحابـي
مصيبه..!! كان ما ندري.. مـن الصـادق .. مـن الكـذاب
أمانـه .. كيـف ياجـوع الثقـه .. تجهـل ... بمخلابـي..؟!!
نعارة .. نزعة " البشتـون " مـا تقـدر لهـا " البنجـاب "
لـو الوضـع السياسـي .. " شــيّــخ " البشتـون " بنجابـي
إذا .. ما للوفا فـي جـدول .. اعرابـك مكـان .. أعـراب
عرفت .. أن البلا .. أللي غـش قومـي .. كـان بثيابـي
ومانـي خـوة ٍ .. قدمـك .. ثنـايـا .. وبقـفـاك .. أنـيـاب
وبيـت ٍ .. فاسـدٍ ... مـا ضـم .. عمدانـي... ولا أطنـابـي
لّـي إستيعـاب للسكـه .... وللخـوه .. لّـي إستيـعـاب
وأذا .. سيـر الصداقـه للنـزول ... أرقـا .. لمرقـابـي
وأذا كفـي.. بـه أبهامـي .. يـشـك بفعـلـه السـبـاب
معـاك الحـق .. يـا أبهامـي ... عسـى الله يشّـل (( سبابـي ))
ألا يـا أهـل العمـاره .. والسطـوح .. أن شــك .. بالـسـرداب
عسى .. مبنى العمـاره ... ينقلـب لأتـراب ... بأسبابـي
وبرجـع للبلـد .. وأرهابـهـا ... والمـاقـف الغّـصـاب
أنا ... والله ..ما أخون .. التربه أللـي ... ضمـت أحبابـي
واقـوووول .. أن الحكايـه .. بالنهايـه .. لعـبـة النـصـاب
أذا .. جوع الثقه .. ما يشبعه ... صيدي ... ومخلاااااااااابي
جيت يا عظام رقبة بدر الحنيف .. ولا تطوفه = وايلي ٍ عن كثير الهرج يغنيك القليل
جيت لك محزم ظهر يطلق حجاجك في وقوفه = طالما ان الطيب متنه لو ثقل حمله يشيل
يا فهد لبيييه .. يفدى وقفتك .. غفن ٍِ تروفه = قــّــل لخضمك ما قدم وجهك سوى لوعات ويل
جعل ربي مايبارك في شعر غابت حروفه = وانت يا ابن غبين .. تزهم شاعره والا يحيل
شفت روس اقلام .. لكتاب ٍ سكن عالي رفوفه = فوق جمرة ضيق .. وشموخ ٍ يشابه للنخيل
استريح .. ولا تعصب .. لا عرض قارع دفوفه = السنافر .. ما تناظر غير سطوة .. شرشبيل
يحشم الطيّب .. ويدمح له .. ويّعذر في ظروفه = والحميا .. تطبخ براس الوفي .. والا يميل
والرجل .. له جسم واسم ٍ يصونهن .. صون الهنوفه = وما يذم عين الكرامه . رجل بالواقع نبيل
وشمسنا من فضل ربي مع اهل العز .. معروفه = وما سمعنا صوت نبـّاح السحاب .. ان جا .. يهيل
بعض راعي هرج .. مع هرجه .. نطقه عرض طووفه = والا علاج لــكل مكان ٍ مقرف ٍ غير الرحيل
معك ما والله احيد .. وسيرة ابليس .. محذوفه = معك يا السيف المجرب .. ليل يا مقصرك ليل
مار طعني .. هــّــد روعك .. والخصم تكتم بلوفه = مانجح كل من يحاول يجعل من الراس ذيل
فاتل الشارب مبيّن غير من ربى .. زلوفه = له هدف واضح .. والا جــا .. مــّــي من تحت النثيل
لكن : افطن ناقل النمه لو اكثر في حلوفه = لا يجيبك حول دعوى .. مالها عندك دليل
قبل لا تقدم بسطوه .. ثم تلحقها .. حسوفه = انتبه : من قبل تقدح من زنودك بالفتيل
والا انا وياك مهما كان .. ما نفسي عيوفه = بس ذا .. حقك علّيه .. عــّل ما يقصر طويل
اقسم برب العباد اللي نعبده ما نشوفه = مارجيت من الخبيّث .. زود منفوع وحصيل
ومن جهل شمس الوفا والطيب .. ما يلحق شفوفه = ما يطيعه بالأوادم غير شرواه الهبيل
الله وخلقه .. ترى يعيّون .. بعلوم .. معكوفه = والجدي ثابت مكانه .. كان راح وجــا سهيل
والمكان اللي يخاط به حريره خيط صوفه = عن دوامه .. بلغ اهل الطيب .. احسن تستقيل
جيت يا عظام رقبة بدر الحنيف .. ولا تطوفه = خال .. وابناخي .. وابن عم ٍ لك بيوم ٍ ثقيل