[هيـاا العـازمـي]

المشاركة الأصلية كتبت بواسطة خلف الغريب

أحبابي رواد ويلان :

أنقل لكم هذه الرائعة للشاعر المبدع فيصل التويجري ..

زان القصيد وزان بـدع التماثيـل=في راس من يطرب لبدع الجزيلـه
دلة قصيدي زانهـا ريحـة الهيـل=قندتـهـا لمتعبـيـن الاصـلـيـه
وصبيتها لخطوى الرجال المشاكيل=عيـال وايـل كاسبيـن النفيـلـه
يستاهل ْزحول الرجـال الفناجيـل=والا الردي كوبان ما يستـوي لـه
اتعب على عْرف القروم الحلاحيل=واشوم عن رجل ٍ يدوس الرذيلـه
يا اهل الظفر يا كاسبيـن التنافيـل=يا عيال وايـل يـا حمـاة الدبيلـه
يا عيال وايـل يالنجـوم الداوليـل=مـن تـاه بعـد الله تراكـم دليلـه
فيكم مثايل وْرثها جيل مـن جيـل=يلقى بها الحيـران درب و وسيلـه
ما تنزلـون الا بـروس المظاليـل=مكانكم مـن فـوق راس الطويلـه
ولا ذكـر فيكـم رخـوم ٍ مذاليـل=من ذل ما هو من جمـوع القبيلـه
حنا بني وايل هل السيف والخيـل=في عْرفنا من نعـرف المستحيلـه
حنا مرويـن السيـوف المصاقيـل=عدونـا بالكـون وا عزتـي لــه
تلقى حدينا فـي نهـار المصاويـل=شغموم يا عزي لمـن هـو قبيلـه
حنا هل الوقفات وقـت الغرابيـل=ناطى الصعايب لين تصبح سهيلـه
حنا نظلل صاحـب العيـن تظليـل=ان طاح صاحبنـا لـزوم ٍ نشيلـه
نرفا خماله عن هل القـال والقيـل=ما نتركه من فـوق جمـر المليلـه
ريف الخوي لا صادفنّـه بهاذيـل=يلقى بنـا سلـواه لا انهـد حيلـه
عادتنا النامـوس مـن دور منديـل=قبيلـه بـروس المعالـي نزيـلـه
واعيد ما قـال الجويعـان تدليـل=(وايل سلاطين العرب تنتمي لـه)
تاريخنا يعطي عـن القيـل تعليـل=خالي من فعول الدنـس والفشيلـه
من فضل رب البيت مهلك هل الفيل=اللي خالقنـا مـا نحـب الهزيلـه
تكفون يا كعـام الـذي وده يعيـل=نسل الرجال اللي خطاهـم ثقيلـه
يا عيال وايل يا سعـوط المهابيـل=عاداتنـا لا احـدٍ يــدور بديـلـه
قلته ولا قصـدي بالاجـواد تقليـل=ما ني بمن يطعن بالاجـواد قيلـه
هذا وصلـوا عـد وبـل الهماليـل=علـى رسـول ٍ حثنـا للفضيـلـه

اللهم صل وسلم على نبينا محمد

وسلامتكم

.
.

عليه أفضل الصلاة والسلام

والنعم في عيال وايل

بيض الله وجهك يا مشرفنا خلف الغريب

انشهد انك طيب وما تجيب إلا الطيب

وصح الله لسان فيصل التويجري

ولاهان

تقديري

هيــــاااا