العيوف الرائعة ..
بحق انتِ نجمة المختارات الله لا يشل يمناك ..
شعر وادب وذوق رفيع ومشاركة فاعلة ... لك كل الشكر ..
الشاي وما ادراك ما الشاي ؟
تذكرت الأغنية :
يا مصلحين الشاي زيدوا حلاته ....... واللي ما يشرب شاي وشهي حياته ...
بالنسبة لي حاولت ان اتذكر ما سبق لي من ابيات في الشاي ,
ولكن كانت الخزنة لا يوجد بها الا القهوة... ولعل القهوة تفرد بموضوع آخر من العيوف ..
بيت لي من مساجلة طويلة لي مع الشاعر الراوي المعروف والصديق العزيز :
فواز الغسلان الذي اسند لي قصيدة منها :
اذا نام خلق الله بليله بدا مسراي=وانا كنت اعيب اللي يدوج بدون ارباح
اراجي خلف يسري ويقعد على مركاي=ويطرد ظلام هموم صدري تقل مصباح
هموم الزمن عند الفقيري تحن ماطاي=ولا انشد عن اللي جا حياتي من اللي راح
الاصحاب من جيته تصدد يبي فرقاي =زمان غدا ما احدٍ يراعي لرجلٍ صاح
وكان من ضمن ردي عليه :
الا يا عشير الغوش لا تبتلش بالراي=لفتك البيوت الي بها الشور نوره ضاح
ترا عمر رفقات الرخا عمر( جلسة شاي )= ويروغون وسنون الدهر بالغضب كلاح
شموت اذا جيته .. واذا غبت بك حكاي =يزين لك الطيحة وهو محتكم ما طاح
وكذلك اتذكر ابيات العبقري بندر بن سرور رحمه الله :
يا عبيد يا وجدي على شاي قبل امس=شاي مزج يا عبيد بالزعفراني
مصلحه مركوز الانهاد بالخمس=راعي ثمان كنها القحوياني
تحياتي عيووف وللجميع ..