اتمنى ان ترتقي لأذواقكم
بندر البجيدي
ياالاطرق الهذال يـاذرب الايمـان=يلّي على درب المواجيـب عـازم
أنا نصيتك يانسـل روس ويـلان=والراي عنـدك ياحفيـد الزيـازم
وش خانة اللي حدّته قشر الازمان=وصكّات بقعا مع همومـه تـرازم
أزرى يعبّر بَه على نطْقت لسـان=من زود ماهـي بالحنايـا تـلازم
واصبح سهير الليل لين الشفق بان=بأمـرٍ مهـم لازم ينفّـذْه لازم
يصارع الفكـر الجنونـي ولا لان=مابين مهزومٍ وأحيـان هـازم
لكن ظروف الوقت حالت بنقصـان=والحظ عوكس به بوقت اللـوازم
والفارس اللي ينقصه مثل شامان=زي الرجال اللـي بليّـا محـازم
وش حيلته ، والدرب مظلم وخوّان=وقلبه على خوض الصعيبات جازم
/
/
الاطرق بن بدر آل هذال
هلا بوجود اللي عزيزٍ وله شـان=هـلا ببنـدر صاحبـي باللـوازم
يامرحبا حييـت ياطيـر حـوران=ياللي على كسب الطوايـل تـلازم
ابشـر بعـزك لاتفكـر بالأحـزان=ولخاطرك أقضي تـرى كـل لازم
لاتشتكي جور الليالـي والأزمـان=جيتك وانا باللـي يريحـك عـازم
امشي معك ياصاحبي وين ماكـان=وان قلت لك ابشر ترى القول حازم
قلي وش اللي ضيق البال يافـلان=وانا معك فـي كـل أمـرٍ مـلازم
ان كنت تشكي من مطاليب ديـان=واصبحت مهزومٍ وأحيـان هـازم
اعرف ترى ربعك طليقين الايمـان=محزمك لاقلّـت عليـك المحـازم
ويلان فيهـم للسعـد دوم عنـوان=وفي طيبهم جيتك وانا حيل جـازم
وكان السبب ياصاحبي نار خـلان=والبعد عن وصل العزيزين خـازم
اطولهم لوهـم بعيديـن الاوطـان=واسوق جاهـي للرجـال الزيـازم
اصبر ترى الدنيا تبي صبر وايمان=وامر الولي تشوفـه العيـن لازم
/
تحياتي