لله سترك، لله سترك،إذا الرياض شفنا فيها هالزحمة على اصولها يجيني ويزورني حلم ولا كل الأحلام كابوس يالربع موديل 2007 شفت فيه علياء تسوق سيارة كامري 2007 وهي شاطفتني شطف زين اللي ماطيرتني كنت في خبر كان ومير اوقف عند مخرج 7 والا نوير داعسه بالكابرس وتناظرني بأستحقار وكأني ان ماعندي سالفه يوم اوقف عند هاك الأشارة والا اسمع قربعتها بداخل محل للخضار بعد ماتوشحت هالرصيف وهي في حاله هذيان الروج من جهة والمكياج من جهة اخرى والعباية والبرقع وشنطة اليد فوق التندة شكلها اخذت وضع الطيران وتطير بها الأسعاف طيران والشباب السعودي ياسلام طبق السعودة على اصولها ياكثرهم بنشريين وعمال في محطات البنزين وغسيل السيارات مايحتاج الدعايات اللي تسويها وزارة العمل بشأن السعودة كلهم من اجل عيون الصبايا والا الوطن بس في ترتيب الجمل والمفردات والشعارات الرنانة وبعدين رافعة ضغطي اللي اسمها مزنه هي وسيارتها الددسن ماسكة الطريق الدائري الشمالي المسار السريع لا بعد من زين هالخشه وتمشي بسرعة 40 والله يالربع جاني الضغط والسكروالبنكرياس لا ويقول الدكتور لازم تعتزل قيادة السيارة آخرتها نوير ومزنه يرفعن ضغطي والا جواهر على BMW كشف وهاللثام مع ريحة هالعطر اللي يخليك تدوخ حتى اللي مافي راسه مغازل بيغازل وحنا طردي وراها من شارع الى شارع حتى ضييعتهم ومابقى الا انا وهي على طريق الثمامة صراحه البنت (...) هذي قصها مقص الرقيب قبل لايحذفها عقاب ونايف، المهم وانا ماشي بسيارتي وقت العصرية الا لقيت المراهقة نوف تفحط هالحين منزل الرؤية حقتي عن التفحيط من هالمراهقين اللي صجونا تجينا نوف ونورة لا بعد تسوي عقدة وسلسلة ووضع الزحفان صراحه غطت على ابو هاجوس خاصة اللي اسمها نورة عليها تفحيط على هالسيارة اللي لونها موف بس اللي حز في نفسي ان مره من المرات شفت في الظهرية نانسي مجرم مبنشر كفر اللكزس لسيارتها وماشاءالله على هالشباب تعد وتغلط اللي يبون يفزعون ولابعد وصلت الى المهاوش ماشاءالله عليهم يحبون فعل الخير طيب ليش انا يوم بنشرت بعد المغرب وفي نفس المكان حتى سيارتي لكزس مثلها ماحد وقفلي حتى اظطريت اني أفصخ ثوبي اأشربه اشوى الا ماقلت شي ثاني عشان يوقفون يمكن ماشفوني والا عشان سيارتها لونها موف وانا لون سيارتي عشبي يمكن له دور بس اشوى اللي قومني المنبه ودريت انه حلم وسجدة لله سجود الشكر لاعاده الله من احلام وكوابيس ولكن هل تأتي تلك الأحلام على ارض الواقع وتصبح أحلامي حقائق وش رايكم يالربع. http://shababtoday.com/news/articles...ion=show&id=55