اقتباس:
المشاركة الأصلية كتبت بواسطة عبدالله الزومان
مساءكم جميل ....
مصافحتي الاولى هنا بقصيدتي ( انقاض الاطلال )
على دروب الإبل .. وأنقاض الأطـلال=ومفازة الصحراء .. ومَرسى السفينه
عادت بي الذكرى على كـل الأبطـال=في منهجٍ بعـض البشـر ناهجينـه
أبو جعفر المنصور.. للحمـل شيّـال=حط الحَجر فوق الحَجـر مأسسينـه
نمت وصحيت بنغمة الغوص .. يا مال=ولقيـت نغمـات الفـرح آسريـنـه
وأقول شفت الشيخ بالحلم وش قـال=أحلامنا .. تصعـب علـى مفسرينـه
أمـد بيـدي سبحتـيـنٍ وفنـجـال=وأقول هـذا الشعـر يـا مدوّرينـه
وأقول بحر الشعر يلطم علـى الجـال=ولا أقول وحـدي .. كلهـم راكبينـه
وأقول بيت الشعر مَخـرَج ومدخـال=وغـطـاوةٍ تحـتـاج لمحللـيـنـه
الغزوة اللي ما تجيـب مـن الأنفـال=ما عـاد فيهـا الاّ الجمـل متعبينـه
ناسٍ تجيب المال من غسل الأمـوال=وناسٍ يجيهـا المـال مـن والدينـه
لا صار سعر ريـال يسـاوي ريـال=أبـيـع لأول سـومـه لسايميـنـه
شيب الغـوارب باعهـا كـل جَـمّال=واللـي برأسـه زومـةٍ عاسفينـه
تفاوتـت مـا بيـن شــاري ودلال=متخالـطٍ غـث الكـلام وسميـنـه
معبَر جبل طـارق مضيـقٍ وغربـال=ما مَر بـه مـن عابـر مجمركينـه
في غبة أمواج البحر شفت الأهـوال=والساحـل الشرقـي بـه مورطينـه
ليلة زفـاف اللـي تغنـت بالآمـال=عنـد النصايـب حطـوا الياسمينـه
حطيت له بالفكـر صـورة وتمثـال=مثلها صـورة .. عزيـزة .. ثمينـه
يا خوف قلبي فرحـة الوقـت تغتـال=ما في عَالم ما ينعـرف وش رطينـه
جاء قارئ التوراة بالمشـي يختـال=وبلقيس عَرشه من سبأ محضرينـه
ويا صاح كان إنـك للألغـاز حـلال=قل لي من اللي هَدّ حصـن المدينـه
زلزال مـا يشبـه ولا كـل زلـزال=طلّـع مـن الباطـن أمـورٍ دفينـه
بصمه لهـا بيـن التواريـخ منـزال=تبقى على الأشراف ذكـرى حزينـه
الجبر مـا يجبـر لنـا كـل رجـال=حتـى ولا حكايـات ريّـا وسكينـه
فيها تروح شيوخ و رجـال وأطفـال=بؤرة فسـاد .. وويـن مستأصلينـه
طاحونة الأمـوات تمشـي وتشتـال=والبـاز صـار شعـار متوارثيـنـه
بعِقد الجواهر ما بقى غيـر سلسـال=والجوهرة صـارت بيدهـم رهينـه
سجدة سهو تأتي بها بعـد الإخـلال=شمّـاعـةٍ لأخطـاهـم معلقيـنـه
واقف على مفرق طرق ذيك الأجيـال=وضاع الطريـق بخارطـة راسمينـه
وان جيت أعيد القول .. ما تنفع أقوال=في منهجٍ بعـض البشـر ناهجينـه
|
الفـاضــل والـشـــاعــر....عــبداللـــه الــزومـــان...
وحـضـــوراول يــقـــود الــوجــــه.
لإنـصــاف ابيـــات الـقــصـــيده لــم اســتطــع الـتعلــيق عـلى بــيت اوبيــتين
قـصـــيده رائــعــه جــزلـــه مــترابــطـــه/ لاغرابـــه فــي ذلــك فــأنــت شــاعــر
لايـخــتلــف عــليــك اثــنـان...
للــه درك وصــح لـســانــك يــاولـــد الــعـــم...
تـقــديــري لــك ولــمجــيــئك...