قصيده مختاااره للشاعر الشااب أحمد الثنيان
اربع ليالي منعمس خاطري عمس = زود على ما فيه جاني تعاميس
البارحه سهران وامس وقبل امس = والنوم بدلته بكثر الهواجيس
الين جتني بنور غطى على الشمس =وشفت الدفا فيها بفيض الاحاسيس
جتني حبيبه صوتها دايم همس =والحب عايشته بخمس الحواسيس
يطمع به الشاعر نظر كيف باللمس = ويطمع به التاجر ولد مرخي الكيس
احلف على المصحف،، والا ابصم بخمس = من زينها عجز يتمثل بها ابليس
والكلمه الي حايره تنتظر رمس =بصرخ بها ولانيب قايل بتهميس
بصرخ واقول اهواك واعشق يا نمس = ياللي تلاعب بي وانا ماني نميس
يا شاعره ياجاليه عني العمس = بيتك يغطي كل ما قاله فطيس
ثقافتك ماهي على الشاص والجمس = ثقافتك فاقت ثقافات رمسيس