°~*¤®§(§ شبـــكة ويــلان العـربـيـه §)§®¤*~ˆ° - عرض مشاركة واحدة

**الصقار** · 16/06/08, (01:51 AM)

عليـك اتكالـي يالله العفـو والغفـران

. تفـرّج لقلبـي سبـة الهـم والضيقـه

حمدتك على ماانزلت من نعمة النسيـان

وانا عبدك اللي خايـف ذنوبـه تعيقـه

حصل ماحصل للعبد قد قالهـا سلطـان

وانا اللي حصل من صاحبي شي مااطيقه

لو اني مسامح واتحمل بعـض الاحيـان

واطّوف خطا الصاحب ولااحـب تدقيقـه

مااحب الخطا الجارح ولا الذل والحقـران

وانا شارب(ن) من دلـة العـز وابريقـه

هبوب الندا هزت بقلبي غصيـن البـان

عسى خير ياحلـم(ن) تمنيـت تحقيقـه

لكن الزمن سكّـر علـى دربـه البيبـان

وانا مالي الا ارضـى بعـذره وتصديقـه

هجرني وانا توي صغير(ن) على الاحزان

وتوكل وانا ادعي لـه مـن الله توفيقـه

رحل والله انه مادرى عن غـلاه انسـان

ولايمكـن الايـام تكـشـف مواثيـقـه

رحل ماذخر عن وجهي الاالدموع الـوان

وانا ناشف(ن) ريقي وهو ناشف(ن) ريقه
محمد مريبد العازمي
وتقبلو تحياتي