اقتباس:
المشاركة الأصلية كتبت بواسطة صقر الصقور
بسم الكريم المستعان المجيدي
:::::أبدا وأسجل وافي القول وآزيد
شاعر ومتمكن وعالي رصيدي
:::::بالعلم والخبرة وعرف الأجاويد
هاوي وراوي للعلوم وقصيدي
::::مثل الذهب مايصرفه زيد وعبيد
أكتب بذوق ولي مزاجٍ فريدي
::::ناقد قبل تلقى على المناقيد
من غير ضو وبوصلة ياعضيدي
::::دليلهم لاضيّعوا للمواريد
آرد عل عدّ الروي وأستفيدي
::::وأشرب قراح وجمّ من غير تعقيد
هدّاج تيماء ماردي يالحميدي
::::يابن نبات سطام صلف الأواليد
الشيخ إبن صنعاء خزام العنيدي
::::مركاي مايحتاج كنّي على حيد
أضرب بكف راحته من حديدي
::::وأقصر خطى رجل المعادي بلا قيد
أبوعمر هِمّه وباسٍ شديدي
::::يثبت اليا زاغت قلوب الرعاديد
سيفٍ مجرب مثل سيف الوليدي
::::صنديد لا عِدّولروس الصناديد
لعل يفداه الحقود البليدي
::::وأهل الحسد تفداه هي والمقاريد
يفداه ولد اللاش راع الجحيدي
::::منكر مواقفنا إلى عيّد العيد
ألي عليها كل عاقل شهيدي
::::لاشتدّ ضرب مشوكات العباريد
عدوّنا نسقيه سمّ وصديدي
::::عند اللقى بمصقلات البواليد
حتى يفيق وحظرته تستعيدي
::::للذّاكرة ويجدد الفكر تجديد
يصحي ويركد زين مابه جديدي
::::هذي فعايلنا قبل عهد أبو زيد
واليوم ضاع الحقّ بين العبيدي
::::والعالم اللي مثل روس المعاويد
مهما نقول وما نعيد ونزيدي
::::ناسٍ تبرد ساخن الماء تبريد
عسى زمانك ياعزيزي سعيدي
::::وأبعد مالمريخ عن كل تنكيد
___________________________
______________________________
ردّ الشاعر الأخ الحميدي نبات العنزي
بسم الإله المعتليّ الوحيدي
::::رباً له إعباده ركوع وسواجيد
الواحد المعبود غيث الهميدي
::::الرازق المانع على كيف مايريد
العادل الصادق إبيوم الوعيدي
::::منش السحايب ديم وأيضاً رواعيد
هلا هلابك ياجزيل النشيدي
::::ويامرحبابك عدّ ماتثمر الغيد
وعداد مايهتزّ خضر الجريدي
::::حييت يامتعب دلالٍ بغاديد
يابن صبر سيرتك طيب وحميدي
::::ومنهجك منهاج النشاما القواصيد
شاعر وراوي ماتقول الزهيدي
::::فاهم فهيم ولاتهاب المهاجيد
فكرك وبالك الصعايب صميدي
::::كل التجارب خضتها بالمصاعيد
ياماضي نضم القاف عندك تليدي
::::من عيلمن يطيش جمه على البيد
يالشيخ أبو فيصل فداك النكيدي
::::ويفداك منهو بس زيف وهرابيد
ويفداك نذلٍ يحتمي بالرديدي
::::ويفدونك أهل المهزله والحواقيد
وفعولك يالنومسي ماتبيدي
::::يشهد لها التاريخ عزّ وسراميد
أنتم هل النخوة وكادٍ وكيدي
::::وأهل المكارم بالشجاعه حواصيد
وأهل الفراسة عوق عزم الضديدي
::::لكم فروع المجد ماهي تماجيد
يامدلّهين الجار عن كل كيدي
::::ريف الخوي والضيف ماشاف تصديد
زبن الدخيل إن خاف قصّ الوريدي
::::لكم على الطولات مسعى وملاكيد
لايهمّك الناقص كثير الفديدي
::::خلّه على فاله ضعيف التحاميد
وعسى لكم ياليت عمرٍ مديدي
::::ياطيّب المبدى قوي الأسانيد
وأنا يمين لو يطول الشديدي
::::أومر وتلقاني مع الوقت ماحيد
أقحمتني بالمدح وأنا بعيدي
::::والملح زوده قيل فَجّ البواريد
لاكن محب وشوفك اليوم عيدي
::::وتقديرمن شخصك مودّة وتميد
والقاف مردودة ابوسط البريدي
::::ياصلك ياراع الوفا دون ترديد
لك التحيّة يالكريم العميدي
::::ومسجّله عبر الرسايل ابتاكيد
الاخ الشاعر ماضي الصبر
بيض الله وجهك على هالجزلات وانت جزل
وصح لسانك وصح لسان الشاعر الأخ الحميدي نبات العنزي
ودمتم بود وخير وعافية
|
ألاخ صقر الصقور لاهنت وشعورك دافع لنا
إلى الإتيان بما هو أفضل
شاكرين ومقدرين لك ذالك