اقتباس:
|
المشاركة الأصلية كتبت بواسطة حمود نايف الهذيل
اخواني هذه الكلمات القليله اعتبرها دفاع عن كل متميز
اشوف خلفي قوم بدقون واشناب = متعصبين يحاولون اجتياحي
تجمعوا حاسد وحاقد وكذاب = فعل الردى متوشحينه وشاحي
ناسً تعاديني بلا ذنب واسباب = ليه اني اكسب من نتيجة كفاحي
صيتي تبين للملا وصيتهم غاب = شربوا هماج الماء وشربي قراحي
يوم اشرقت شمسي على ثلجهم ذاب = ضاقت عليهم من جميع النواحي
ضدي تصافوا بالخفى وصاروا أحزاب = وانا اعتبر هذا ضريبة نجاحي
لوالزوابع من سمع صوتها ارتاب = كان الجبال اقفت عليها الرياحي
والله ماأحسب للعدو قدر وحساب = دام الثقه كنزي وديني سلاحي
واقول له مايرفع المدح الاذناب = والذم مايطمّن مقام الشناحي
اما يتوب ويغفر الله لمن تاب = ولا يعيش بليل ماله صباحي
اخوكم ( ابو نايف )
|
اووولد ،، والله انك شاعر وثم شاعر وثم شاعر
صح لسانك يالقرم ،،
حمود نايف الغضوري
مهو مجامله ولاهو تسذب
غصب تخليني ارد وادخل على قصايدك
من المتابعين لك
واسجل اعجابي
مهو بس هالنوبه
دايم الدوم
لاعدمناك يالذيب
نبي تواصلك بس
تمسى على خير