حمود نايف
صح لسانك
اشوف خلفي قـوم بدقـون واشنـاب
متعصبـيـن يحـاولـون اجتيـاحـي
تجمعـوا حاسـد وحاقـد وكــذاب
فعـل الـردى متوشحينـه وشاحـي
ناسً تعادينـي بـلا ذنـب واسبـاب
ليه اني اكسب مـن نتيجـة كفاحـي
صيتي تبيـن للمـلا وصيتهـم غـاب
شربوا هماج الماء وشربـي قراحـي
يوم اشرقت شمسي على ثلجهـم ذاب
ضاقت عليهم مـن جميـع النواحـي
ضدي تصافوا بالخفى وصاروا أحزاب
وانا اعتبـر هـذا ضريبـة نجاحـي
لوالزوابع من سمع صوتهـا ارتـاب
كان الجبال اقفـت عليهـا الرياحـي
والله ماأحسب للعـدو قـدر وحسـاب
دام الثقـه كنـزي ودينـي سلاحـي
واقول لـه مايرفـع المـدح الاذنـاب
والـذم مايطمّـن مـقـام الشنـاحـي
امـا يتـوب ويغفـر الله لمـن تـاب
ولا يعيـش بليـل مالـه صبـاحـي
درر شعريه من شاعر مبدع
تقبل تحياتي وتقديري