كلي شووووق لملاقاة قلوبكم الطاهرة
هي
.
جت كذا
.
لازم أنفذ طلبها
.................................................
جتني تعاتب والعتب تستزيده = يا زينها ويا زين حتى عتبها
قالت تجيد الشعر ؟ قلت إيه أجيده = ( هي جت كذا ) لازم أنفذ طلبها
قالت أبيك تقول فيني قصيدة = أبي الجموع تصيح منهو كتبها ؟
ابي القوافي والمشاعر فريدة = ابيك تتعبني وأحس بتعبها
أبيك تلعب في بحورٍ جديده = أنت الوحيد اليا لعبها .. لعبها
تكفى طلبتك يا جناب الوليدة = جبها على الطاروق يا شيخ جبها
المشكلة طفلة وطفلة عنيدة = قبل سنة قطت بقايا لعبها
واليوم سيد الناس تصير سيده = كم سيد قوم جا لبوها خطبها
يلعن ابو جد الشعور وكديده = إن كان ما ولّد قصيد بسببها
الزين من ربي ويعطي عبيده = مهي من اللي زينها في ذهبها
وإذا نوت حي تكيده ... تكيده = يا قبلة الله يوم ترخي هدبها
ويا شعرها لامن عصاها تعيده = للخلف ويغطي مثاني ركبها
والطول يا أهل الطول عنق الفريده = طولي إذا قطت صغيّر كعبها
وشلون أعدد من صفات عديده ؟ = يكفي تأدب جيلها من أدبها
عندي قريبة بس عني بعيده = وهي مسألة صعبة على من حسبها
يا الله عساني قلت فيها قصيدة = وعسى قصيدي يا جماعة عجبها
.
.