اسعد الله مساكم اعضاء هذاالصرح الشامخ
بعد طول انقطااع
تقبلوها كما هي
عيني وقلبي من رجاه ابتلونـي
.............................. ضاقت علي بدنيتي ويـن ما روح
اشوف بعض الناس جرح عيوني
.............................. والجفن عيـا الجفن لا يكتم النوح
في ليلة ً شفت العقارب يـبـوني
............................ كلن يحاول يـدفـق الـسـم با لـروح
جوني على خفيه وفاقت عيوني
............................ يوم التفت الا فضيحـه ومفـضــوح
هذي فضيحه استحت ما تمونـي
............................ قالـت دخـيــلك لا تكـلـم ولا تـبـوح
كله سبب مفضوح والحـظ دونـي
............................ ليت الحـكاية كلهـا كـانـت مـــزوح
قلت ايه انا توي عرفت أعذروني
............................ جرح الخوي ما تشبهة اية جـروح
يقول ابو نوره صحيح أقلـقـونـي
............................. باب العـواذل ماتسكــر و مـفتــوح
اذا لـكــم دعــــوه أجل قابلـوني
.............................. مع اني ادري مالكم فيه مصلوح
وش غايتك ياللي تشارك شجوني
............................. ما تستريح وداخلـك سـر مكـبـوح
افداك يا عيون المها في عـيـونـي
............................ مملوح هرج وكل ما فيه ممـلـوح
والله لـخـلي كل من يكرهـونـي
.............................يفـوح شريان القهـر داخـله فــوح
بالمختصر ما عاد ابيهم يجونـي
............................ طاحت شوارب كانت البارح تلوح
وخلي معي ماعاش لحظه بدوني
............................ يكفـيه هذا البيت واضح ومشروح
قولي لهم لو حاولوا ما رمـونـي
........................... اشكالـهـم هذي تجي مـعـي وتـروح
وسلامتكم