قالوا: ملاك اليوم تكتب قصيـده
.............واتحاورَ الشعَار .....يالغافلينـا
واللـي تحدَاهـا تراهـا تصيـده
..........وحنَـا سكتنـا كننـا غايبيـنـا
والشعر تبني له قصور(ن) مشيده
.........وتهدَم قصور ألنا بعـد مابنينـا
قلت: الشرف اني بشعري فريـده
.........هزل المعانـي لاتقولـه علينـا
قبيلتـي وقـت الشدايـد شديـده
........تاريخهـا يحكوبـه اللاحقيـنـا
عنوانها عـز وكرامـه مجيـده
......وشعَارهـا شعَـار يالحاقديـنـا
ياطير ياللي في سماي اتغريـده
........قله تـرى حنـا ابـد مانسينـا
ورث الكرامه من سنين(ن) بعيده
..........اتَروضَ القيفـان خطَـت يدينـا
تجي جزايلهـا علـى مانريـده
........ومن اعذبه نارد اليـن ارتوينـا
بأفعالنا نرسم زهور(ن) نضيـده
.........وعلى الفضيله والكرامه مشينـا
تريح عن قلبي هموم(ن) تكيـده
........ولو زاد همي مالعـاذل شكينـا
دايم نسجلها بيـوت(ن) جديـده
...........ولو هي صعيبه عنهـا ماانثنينـا
بنت الشيوخ اللي تقول القصيـده
........واتَنازلَ الشعًار...... يالجاهلينـا
الشاعره ملاك صح لسانك
قصيده جزله لاتجيدها الاشاعره متمكنه
لك كل الاحترام والتقدير