[ذيب]

إهداء لذوقكم الراقي الجميل ؛ ولأخي العزيز الغالي : عيد الحواشيش والمعذرة من الزلل والخلل والخطأ ..

ذبحتني بطاروق شعرك قافك البحر الطويل=وابطيت اخربشلك الين ما الله جابها
تلخبطت صيغة فعال بمحتوى صيغة فعيل=وعجزت ادور عن محل فيها يصح اعرابها
الحرف لا منه بغا يكتب ندا جودك قليل=لو كانت الدنيا على شانك تجي وتجيب كتابها
عشقت درب الطيب ، وشْ عشق الخليله للخليل ؟!!=واللي يحب ترا نفسه رخيصه دون احبابها
لو جيت اعلل تكبر العله على فهم العليل=يمسح خطاه الامنّه نسى مسح اسبابها
ياعيد والله قصتك قصه تبي شرحٍ طويل=والقاف موجزها مهو قادر يرد اسهابها
لأنك تقتل اوصافي وانا وصفي جميل=والمشكله بالوصف ابي من وين ابدابها
ماكو دلاله منّها يبدا الذي يبغى الدليل=الا سنا نورك غطى ضو السما واشهابها
لو ربع فكرك زاحمه بالطنطنه فكرٍدخيل=قفّت مفاهيم التشدد قلت : راح ارهابها
سيلك هما بحر العرب هدج سيله مسيل=ينبت هشيم القاعِ الا يروّي شعابها
الذنب في جودك مِنِه كرم حاتم بخيل=الناس من بعدك حرام انه تفتّح بابها
وان حلّت الشده وثار غبارهن بعد الصهيل=عقيد ربعك وانت حجابها ..لا والله الا عقابها
يا ستر قاصر طرفها بالحرب ام طرفٍ كحيل=ليا شبّت النيران لعيونك تجي تقطّ حجابها
كلمه .. تعبّد ربها .. ما طاعت المولى الجليل=الا لأنك روحها تعكف على محرابها
ياسالفة عاشق على معشوقته عقله ثميل=والكاس شفقانه تبي تعانق يدْ شرّابها
ياشوق بنتٍ لفّها ثم ضفّها طول الجديل=اللي زها اليمنى بها سواد خضابها
انت السما والليل يا مزن السحاب المستخيل=انت الحيا من طيب ندّك بلّ ترابها
ما كنّك الا للبشر عَـالم حَضَن عابر سبيل=تشيل حمولٍ راسيات ما حسبت حسابها
والمشكله اني لا كتبت اكتب ترانيم الرحيل=يا ما طواري البين بضلوعي يصيح غرابها
سابتني و راحت وهي تضحك يضاحكها الحليل=واللي بقالي منّها بس آآه .. سيل اتعابها
واوراقها يوم انّها عيت تبدل بي بديل=تبحر بي الذكرى وانا عاجز لا خوض عبابها
السيف حده لا انثلم مهو سيفٍ صقيل=ما تنفعك وقت الشدايد لمعةٍ بجرابها
بذرت ورد الشوق ابي مِنِه كسب الحصيل=والشوق حوّل شوك والدنيا تعض بنابها
يا محرقة قلبي علامك ناويه شب الفتيل=والنار تصلاني وانا اللْ احطْب احطابها
(ما يرتكي للمعضلات وينقل الحمل الثقيل=الا ثقيلٍ حافظ قدر اللحى واشنابها)

بحثت عن بيت اقتبسه دلاله على روعة القصيدة فوجدت كل حرف في موضووعك يقف موقف قصيدة .. كل الشكـر لــسمو ذوووقك الراائع