اقتباس:
المشاركة الأصلية كتبت بواسطة رابح الغضيان
إليكم العيادات كما هي ومن غير مقدمات
يمكن تنال بعض اعجابكم ورضاكم،،،،،،،،،
ياليتني ماجيت قسم العيادات=صادفت حوريه على صورة انسان
ماني بيمه بس قالت سلامات=هي قالته فرفشت من غير جنحان
فكرة اكسبها ببيتين جزلات=قلت اسمعي شاقول ياعود ريحان
من شان عينك باتفنن بالايات=وصير لك شاعر وراوي وفنان
بالشعر لي دوله تهابه دويلات=واهز واشنطن ولندن وطهران
وعندي على بحور الشعر سبع موجات=واخيرك يازين بشكال والوان
وبنيت في صطح القمر لي مدارات=اقطارها عينك ورمشك والاوجان
وتردده يفوق كل القناوات=ارسالها همس ومشاعر ووجدان
ياللي اسرتيني بسودٍ ظليلات=سبحان ربٍ صورك جل سبحان
لو أصفك قالو خيال ودعايات=معقول فوق الارض يوجد كذا انسان
تقول لي بلهون يابو الخيالات=وبعض الخيال بدهورك في خبر كان
تشر علي تقول دورك ترى فات=شف الممرض يزهمك دوركم حان
هي صادقه نادو علي خمس مرات=ماني هنا ياناس فيضت وديان
هي طالعه وانا دخلت الملفات=ابي عيادة باطنه رحت الاسنان
نسيت مافيني وعفت العلاجات=وصبحت متعافي ولاني بمرضان
طلعت آبا اعرف وين راحت وبسكات=حصلت خيه يصرف علاج عجلان
حركت وبسرعة قطعت الاشارات=الرنج راح وسايق الرنج بطران
ضيعتها بالحي بين العمارات=فلل تشابه بالزوايا والاركان
ضيعت بيته وسط حارة بهاوات=في حي راقي مسكنه شخص طفران
سيارتي شبهه بحيه همارات=وفياقرا وجموس متشوف نيسان
لفيت حارتها يجي عشر لفات=طلع علي جاره يقول انت سكران
قلت العفو مضيعٍ لي قرابات=مامرك اسم فلان وفلان وفلان
اسماء غريبه جبتها كيف هي جات=ناظر وقال الله يشافيك تعبان
الله خلق خلقه وفيهم دراجات=وهي بنت عز وزاد من شانها شان
مصيفها بيروت وإلا الاهرامات=وانا مصيفي بين طلحه وشعبان
الفرق واضح بيننا في علامات=وهقت نفسي كيف انا كنت غلطان
قصده تعاطف يوم قالت سلامات=وجيتك من اقصايه على غير عنوان
والموعد اللي من سنة بالعيادات=طوفته بساعة على شان الاعيان
أخوكم:رابح الغضيان
|
صح السانك شاعر مبدع وغني عن شهادتي
تقبل احترامي وتقديري