السلام عليكم ورحمة الله وبركاته
اسعد الله اوقاتكم وايامكم بكل الخير.
مشاركه بسيطه كل الامل ان ترتقي لمستوى ذائقتكم الشعريه.
تشبعيني واشبعـك مليـون جـوع=وربـي الخـلاًق شوفـي ماشـبـع
تقنعيـن وناظـري ماهـو قـنـوع=مـن الـدً العيـن والناظـر رجـع
ياجنون الشوق في شوفـي طمـوع=مبطـي شوفـي ولاعمـره قـنـع
ودًه انـك فـي علـو فـي طلـوع=بين رمشـي وبيـن عينـي مرتفـع
مادرى انك ساكن(ن)بيـن الضلـوع=ولادرى انك وسـط قلبـي مجتمـع
شف جنوني كيف يسقينـي دمـوع=والله اعلـم كـم وكـم قلبـي دمـع
لايعاتبنـي وانـا مـانـي قـطـوع=ماقطعـت الوصـل فينـي ماقطـع
يانهـاري ماتضـويًـك الشـمـوع=ودون شوفـي مايبيـن اللـي لمـع
شمسنـا لامـن تمـادت بالسطـوع=غيًبـت نجـم علـى الدنيـا سطـع
وازعج بصوتـي واناديـه الرجـوع=عل شوفـي لاسمـع صوتـي فـزع
ليه ياشوفـي وانـا بيـن الجمـوع=غبت والدنيـا سواد(ن)بـي هجـع
غبت والبسمه على صـدري تمـوع=وطاحت بحضني على ثوبـي جـزع
اسألـك بالله خلـك لـي سـمـوع=اسـألـك بالله فيـنـي واستـمـع
ارجع لعينـي وانـا لعينـاك طـوع=نجتمـع بعـد الفـراق ونجتـمـع
هذا انا والقلب والشـوف الجـزوع=كلـنـا او كلـنـا فيـنـا طـمـع
من تغيب شويً عـن عينـي اروع=(والطمـع يـازاد ياهـو ماجـمـع)
وفي حضورك اعطشك واضما واجوع=دام ماكـلـي وكـلـي مـاشـبـع
محبكم.محمد العنزي