الشعر ماصغته علشان شاشـــه = والا على ماقيل شهرة مجلات
شعري جزل ماقبل عليه الهشاشه = تنصاغ افكاره على كيف ماجات
اما على طاروق ضحك وبشاشه = والا على طاروق هم ومعانااااة
لا ماحسبت احساب لهل الوشاشه = اللي على لحم المخاليق قلطات
فعلي ورثته طيب مابه غشاشه = من ساس قوم" تعطي الجود مدات
ويلان ربعي مرويين العطاشه= اللي لهم في صولة المجد وقفات
حكام من يومه على الناس باشه = ايام ماكنت غزاوي وصولات
صغيرنا ماحد"تجرى وناشه = ومنهو تجرى ذاق مر الهزيمات
ودخيلنا ياخذ معانا معاشه = مرتاح باله يرقد الليل بسبات
ماهو بشعر اللي على شان شاشه = عاله على نفسه وبعض المجلات