الـود ودي يدفـن الصبـر ودك=من شان تدري كيف صبري تمادا
والـود ودي لوتمـادا بـصـدك=يصيبـك اليـاس ولاتقـدر تفـادا
تفادينـاك كلـك هزلـك وجـدك=جدك هزيل وهزلك اجود جـوادا
بغلطاتـك الالاف واكثـر نعـدك=وانت ان عديتنـا اعـدادك احـادا
احيد عنـك ليـن تكتـب بيـدك=مابين عوج اضلاعي قلب يتهـادا
هديت قلبً صـار مثلـك يهـدك=ويبني على هدامك اربـع عمـادا
عمد اجرح شعورك واوقف بضدك=وصوتي على بعدك ومنفاك نـادا
يندا جبين الوقت لـو جيـت اردك=مثلك ماهو صديـق مثلـك يعـادا
ماعود بحراً فيه جـزرك ومـدك=وامواجك اللي تصطفـق لاهـوادا
لاهـوادا فـي شـعـورك وودك=خلك على ياسـك وهمـك تمـادا
أخي العزيز / مهاجر الحلم
صح لسانك على القصيده
والقصيده رائعه و لكنها لم تكتمل من ناحية الوزن
و الكسور واضحه في كل شطر باللون الاحمر بينما ..الشطر اللي باللون الاخضر هناك حرف زائد و هو حرف ( ي ) في اضلاعي..
و القصيده رائعه و فكرتها مميزه و لكن عليك التركيز اخوي مهاجر الحلم على الوزن أكثر و اغلب الابيات الموجوده موزونه و اتمنى أن الابيات تكون بنفس جودة الوزن ...