[QUOTE=علي السابل;217057]
اقتباس:
المشاركة الأصلية كتبت بواسطة مسعد النافل
شعراء ويلان الكرام اسعد الله اوقاتكم با المسرات
يسعدني ان اضع هذا النص بين ايديكم
إن جيت ابكتب عن سواياك صديت = حرام مثلك تنكتب به قصيده
قالو حرام الضرب في جثة الميت = ارفع مقامك ياعزيز البديده
قلت الحقيقه ياملا عنه كفيت = لو كان ناوي لي يدبر مكيده
لقيت بصماته بجنب الكباريت = وطفيت ناره قبل شب الوقيده
راس الجبل ما ينحي للعفاريت = لو تلقفه كل الجنون المريده
ذيبه يضيعها مع القاع تشتيت = ومن زام منهم لتحربث يصيده
وصقره يجيب الي تبارن مفاليت = يجيبها لو هي بعينه بعيده
لا والذي لجله بدنياي صليت = رب الملا علام خافي عبيده
اني مع الصاحب فلا يوم كنيت = مواقفي بين الشوامخ شهيده
مخلوق عادي بامر ربي تعليت= مخلوق من طيب الجدود الاكيده
والله مانرضى على الطيب تفويت = با الدم يجري مثل حكم العقيده
وان كان عن ماضي زماني تناسيت = ابقى فقيده عند من هو فقيده
[/quote
قصيده حوت من الشعر الكثير وتنقلت بين عدد من أغراضه بكل سلاسه .
شاعر يا مسعد و إن لم تكن بحاجه الى ان أقولها لكني أرى أنك تمتلك صفة الشعر بكل إقتدار
في زمن على به صوت القصيد المكرور في حناجر الناظمين على صوت الشعر الحقيقي..
تحياتي وتقديري
علي السابل |
الاخ العزيز علي السابل
صح بدنك وعلا شانك
يعلم الله ان ما قلت شهاده اعتزبها مدى الايام
تشرفت بمرورك العذب والنابع من معدن اصيل واللي اعتبره تاج على راسي
علي السابل اسعد الله ايامك ولياليك ودام هذا التواصل
اخوك مسعد النافل