السلام عليكم ورحمه الله وبركاته
تحيه للكل
عجبتي هذي القصيده وحبيت تشاركوني فيها .. ودامت ايامكم بالمسرات
قصيده للشآعر / فهد بن مساعد
صعب لامنك فشلـت وصعـب لامنـك لقيـت
ان من يكره نجاحك يـدري انـك مانجحـت
أمس ضقت ورحت أقلب ذكرياتـي وانتهيـت
عندصورة طفل صوته مثل صوتي لاانجرحت
وش مثـل لاوالله الاهـذا أنـا يـوم ابتديـت
أنطق حروف تلعثم فـي لسانـي لاانمدحـت
هذا أنايوم الحيـاة بنظرتـي عشريـن بيـت
ومسجدين ومدرسه من طين كم فيها اصطبحت
هذا أنا وأصبحت أتمتم هذا أنـا حتـى بغيـت
أختنق بس القدر عيا علـى موتـي وطحـت
وصاح صوت الطفل فيني انت من وين ارتميت
قلت أنا المستقبل اللي فيه كم همـت وطمحـت
أمس كنت أبيـك تكبـر بـس والله لودريـت
اني اللي عشت لجله مت عنـدك واسترحـت
لودريت ان الزمـان يجـر رجلـي ماعديـت
ولودريـت ان البحوربلاموانـي ماسبـحـت
كان دربك لي طويل وكـل ماشفتـك هويـت
قلت لـك كبـوة جوادوماكبيـت الا وجمحـت
ليه تسمعني وتمشي؟؟..آآآآآه ليتـك مامشيـت
وآه ليتك مـن كثرعثـرات الأيـام انتصحـت
ضاعت أحلامي وظل الحزن فينـي واهتديـت
للطريق اللي يودينـي علـى دمعـي ورحـت
كان حلمي في وجود انسـان يبكـي لابكيـت
وصارحلمي في وجودانسان يفـرح لافرحـت
كنت أشوف الناس مثلي كل ماجعت وضميـت
مادريت ان الأوادم ناس فـوق ونـاس تحـت
آآآآه يااول ذكرياتي خذنـي بحضنـك نسيـت
لسألك عن وجه أبوي اللي معـه ياماسرحـت
وخذني بحضنك أبغفى ياااه مبطـي ماغفيـت
وان لمحت دموع عينـي سونفسـك مالمحـت
خذني بحضنك وبعثر في جروحي وان قضيت
هزلي كتفي وقل لي(عيب تبكي لـو سمحـت)
اضحك وعلم زماني من أنامـن ويـن جيـت
طق باب الحزن واصرخ في لامنـي فتحـت
وضمني يمك وكمل ضحكتـك لامـن بكيـت
ودي أذكركيف كانت ضحكتي لامـن فرحـت
تحياتي ومحبتي
مشاعل