http://www.al-akhbar.com/files/images/2.full_2.jpg
للحقيقه ومن ينطق بها ويعشقها أهدي هذا النص الذي سبب لي من المشاكل الكثير ولكن لن أحيد عن قناعاتي ولن أغيّر فيه ولو كلمه واحده وشبكة ويلان أعتبرها منبر حرّ لذلك طرحت النص فيها كاملاً مع موقعين أخرين بعكس المواقع التي اشترطت قص أجزاء من النص وبعضها طرحه بعد أن مرره على مقص الرقيب
عذراً بني يَعْرُب نويت اعْكِسْ السيـر=واشذّ عن منظومةٍ للموالين
زتّ الدلوا يا جالب الما من البير =واقطع ذراعي كان عادت فلسطين
والسالفه ماهي بحاجه لتفسير=ضيعة وطن والْعُربْ بالفعل واطين
بقولهـا والصـدق مافيـه تنظـيـر=يستاهلون المدح ،يوشع ،ويـاميـن
ونعمين في شارون واسحـاق شاميـر=والنعم في (ليفنـي،وعِازرْ،وكوهيـن )
اللي تِقُصْ اوصالنا بالسواطير=وتطحن جثثنا مثل حبّ الطواحين
من قدّ كـم يـا ذا اليهـود المناعيـر=أنتم بهذا العصـر فِعْـلاً سـلاطين
ستين عام نـزوّر الحـق تزويـر=ياخوي حنّا وين والصدق ذا (وين)
مِسْتَدْلخين نصدّق صويـر وعويـر=أمحق عرب وامحق عروبة مضامين
ماعاد فينـا مـن تُسمّـى مغاويـر=دستور يا كذبة ،نَصُرْ حـرب تشريـن
ماتت عروبتنـا مـع كليـب والزيـر=ونبكي على ذات الصـواري وحطيـن
ستين عـامٍ مـن صـراخ الجماهيـر=مَا حَرّرَتْ من تربـة القـدس متريـن
نبقى مجـرد ظاهـرة صـوت لاغيـر=وصياح ،ونيـاح،ولجاجـه:وبعديـن
بَعْدَيْـن وش بَعْدَيـن مافيـه تأثـيـر=ونصف العرب دجّه ونصفٍ مساكيـن
أحرارنـا تاطـى عليهـا الجنـازيـر=وحنّا ولا كنّا بالاوضاع دارين
نشجب ونستنكر ونصدر تقارير=يعني عروبتنـا مجـرد عنـاويـن
عرب :عرب :أمحق عرب مابها خيـر=رصيدها الأوّل فَلَـسْ واخـره طيـن
بعض العرب بين العرب نافخة كير= وبعض العرب خاين ويظهر بوجهين
وبعض العرب بين اعتذار ومعاذير=والبعض الاخر بيـن هُبْـل ومجانيـن
وبعض العرب تهوى الْقَنَـص والمغاتيـر=واللي تُسمى ظُلـم باسـم والمزاييـن
وبعض العرب طبله،ورقص ومزامير=من (هَوْن :لاَهَونيك: لاَهان :لاَهَيْن)
وبعض العَرَب يُسرا.وميمي.ونرمين= وهيفا:ونور:وشوق:والهـام شاهيـن
ومشايخ الألفين مَعْهَـا الـف تفسيـر=يَاخِي شيـوخ العصـر ذا: نرجسيين
أضحى الْجِهَاد بْعُرْفُهُمْ بَه مخاسيـر=ليش الْعُسُر وشيوخنا ترغب(اللِيْن)
ودرهم وقايه خَيْر لَـكْ مـن قناطيـر=الله يِسْعِـد هَا لِّلحـى يَاهَـلْ الـديـن
كَبِّر:وَاكَبّـر:أدْع :واصدح بتكبـيـر=(أمين)نَدْعِي بس نَدعي على(ميـن)
شفنا بباب الذلّ ناقف طوابير=ما ننحسب واعدادنا بالملايين
ولاَ حَصَل في وضعنا أيّ تغيير=ونعيش في خارج محيط القوانين
علـى كِـذَا نبقـى مجـرّد عصافيـر=ونموت في غزه وفـي دَيْـر ياسيـن
بكذّب الصـوره واسـوق أي تبريـر=أنـا عروبـي لاَزِمْ اكــذّب العـيـن