ستين عـام نـزوّر الحـق تزويـر = ياخوي حنّا وين والصـدق ذا (ويـن)
مِسْتَدْلخين نصـدّق صويـر وعويـر = أمحق عرب وامحق عروبة مضامين
ماعـاد فينـا مـن تُسمّـى مغاويـر = دستور يا كذبة ،نَصُرْ حرب تشريـن
ماتت عروبتنا مـع كليـب والزيـر = ونبكي على ذات الصواري وحطيـن
ستين عامٍ مـن صـراخ الجماهيـر = مَا حَرّرَتْ من تربة القـدس متريـن
نبقى مجرد ظاهـرة صـوت لاغيـر = وصيـاح ،ونياح،ولجاجه:وبعـديـن
بَعْدَيْـن وش بَعْدَيـن مافيـه تأثيـر = ونصف العرب دجّه ونصفٍ مساكيـن
عبدالله سماح المجلاد
لله درك قصيده رائعه بماتعنيه الكلمه
تجسد واقعنا وواقع الدول العربيه الله المستعان
الحقيقه ان كل بيت من القصيده اجمل من الثاني
الله يعطيك الف عافيه على هالرائعه وان شاءالله
ان العرب يعكسون هالتشاؤم الذي عندنا
على العموم انت ماقصرت يالذيب
تحياتي واحترامي