[فهد السلقاوي]

دعا محمد ال رشيد علوش بن ضويهر لحضور مناسبه لدى بن رشيد فـأجاب علوش بن ضويهردعوه بن رشيد لحضورها وذهب لأبن رشيد تلبية للدعوة وبعد السلام قامو بتقديم القهوه لعلوش بن ضويهر فقال علوش بن ضويهر قهوتك صايده يابن رشيد فغضب ابن رشيد وقال للقهوجى انثر الدله فنثر الدله ولم يجد شيئا فقال علوش ابن ضويهر انثر القمقوم قاموا بنثره وشاهد القهوجى السماره عند نثر القمقوم وهى تسقط السماره منه فسحب ابن رشيد السيف يبا يذبح القهوجى فقال علوش بن ضويهر ادخل على الله ياابن رشيد لاتحملنى ذنبه فسمح له ابن رشيد فقال ابن رشيد ياعلوش باكر تقهوى عندنا قال علوش ابشر وكان ابن رشيد يريد ان يختبر علوش فلما جاء موعود وصول علوش بن ضويهر قال للقهوجى حط مع القهوه حمض واذا جاء علوش صب له فنجال وفعلا عمل القهوجى مااامر به ابن رشيد ولما وصل علوش ابن ضويهر قام القهوجى وصبب القهوه لعلوش ابن ضويهر فقبل ان يشرب القهوه علوش بن ضويهر قال : الحمض للابل وحمض الرجال اللحم يابن رشيد وقهوتك صايده وانثروا الدلال وجددوا القهوه وتقهوا عندهم ولما بقى يمشى قال ابن رشيد باكر لازم تقهوا عندى فقال علوش بن ضويهرابشر وباكر انا عندك ولما مشى علوش بن ضويهر قال ابن رشيد للقهوجى قبل لايجى باكرعلوش بن ضويهر احمس قهوه محروقه وقهوه مستويه وحط معهن قهوه نيه واطحنهن مع بعض وسو بهن قهوه وصبها لعلوش بن ضويهر لاوصل وفعلا لما وصل علوش بن ضويهرفعل القهوجى مااقاله ابن رشيد وصب القهوه لعلوش وقال ابن رشيد وش رايك بالقهوه ياعلوش قال والله ياابن رشيد القهوه لاقلت نيه فهى نيه ولاقلت محروقه فهى محروقه ولا قلت مستويه فهى مستويه فقاله ابن رشيد يااعلوش ابن ضويهر قهوتك وهيلك علي طول ماانا موجود على الدنيا0

وقال الشاعر الذويبى الحربى:


تستاهل الكيف الحمر يا ابن وايل = انت الذي تستاهل الكيف كله

يالي نقدته وسط ديوان حايل = لولاك يا علوش محدن فطن له

بديوان من يقعد صغا كل عايل = الضيغمي مغني الايدين المقله

الضيغمي مرذي الامهار الاصايل=يما انقطع في ساقته من اسجله

يابن ظويهر ما بها قول قايل = نستاهل الفنجال لا جاء محله

يا الناقد الفاقد بحكم الدلايل = يا ريف هجن والركايب مقله

ربعك بني وايل كعام القبايل = هل الجموع الراسيات المغله

زبن الدخيل الى توطاه عايل = الجمع دونه والرمك مردفن له

ورد عليه علوش بن ضويهر فقال:



يا بن الذويبي يا رفيع الحمايل = لاهنت يا زين الهليب المتله

ان جاء نهار فيه صايل وجايل = والكل سيفه من جفيره يسله

يوم يخوف به رجيف الاصايل = وتبينت بالقوم ريبه وذله

والدم من ضرب المزاريج سايل = والسيف هامات الجماجم عشا له

كم راس فرز من علابيه مايل =من كف شغموم ابشلفاه شله

يا درع من صكت عليه الدبايل = يا ملحقه من بين قوم امفله

يا حامي المظهور يوم الهوايل = يوم به الديان ياخذ افضله

طير مجرب ما يصيد الهزايل = سوه على الخرب المطرف عشله

يا معجب بالسوم راعي العدايل = وان جن من المنكاف مثل الاهله

من لابة لها فعول جزايل = الطيب يظهر والفعايل مدله