اقتباس:
المشاركة الأصلية كتبت بواسطة فهد السلقاوي
عذراً بني يَعْرُب نويت اعْكِسْ السيـر
واشـذّ عـن منظومـةٍ للموالـيـن
زتّ الدلوا يا جالب الما مـن البيـر
واقطع ذراعي كان عادت فلسطيـن
والسالفـه ماهـي بحاجـه لتفسيـر
ضيعة وطن والْعُربْ بالفعل واطيـن
بقولهـا والصـدق مافيـه تنظـيـر
يستاهلون المـدح ،يوشـع ،وياميـن
ونعمين في شارون واسحاق شاميـر
والنعم في (ليفني،وعِازرْ،وكوهيـن )
اللـي تِقُـصْ اوصالنـا بالسواطيـر
وتطحن جثثنا مثل حـبّ الطواحيـن
من قدّ كم يـا ذا اليهـود المناعيـر
أنتم بهـذا العصـر فِعْـلاً سلاطيـن
ستين عـام نـزوّر الحـق تزويـر
ياخوي حنّا وين والصدق ذا (ويـن)
مِسْتَدْلخين نصـدّق صويـر وعويـر
أمحق عرب وامحق عروبة مضامين
ماعـاد فينـا مـن تُسمّـى مغاويـر
دستور يا كذبة ،نَصُرْ حرب تشريـن
ماتت عروبتنا مـع كليـب والزيـر
ونبكي على ذات الصواري وحطيـن
ستين عامٍ مـن صـراخ الجماهيـر
مَا حَرّرَتْ من تربة القـدس متريـن
نبقى مجرد ظاهرة صـوت لاغيـر
وصيـاح ،ونياح،ولجاجه:وبعـديـن
بَعْدَيْـن وش بَعْدَيـن مافيـه تأثيـر
ونصف العرب دجّه ونصفٍ مساكين
أحرارنـا تاطـى عليهـا الجنازيـر
وحنّـا ولا كنّـا بالاوضـاع داريـن
نشجب ونستنكـر ونصـدر تقاريـر
يعنـي عروبتنـا مجـرد عنـاويـن
عرب :عرب :أمحق عرب مابها خير
رصيدها الأوّل فَلَسْ واخـره طيـن
بعض العرب بين العرب نافخة كيـر
وبعض العرب خاين ويظهر بوجهين
وبعض العرب بين اعتذار ومعاذيـر
والبعض الاخر بين هُبْـل ومجانيـن
وبعض العرب تهوى الْقَنَص والمغاتير
واللي تُسمى ظُلـم باسـم والمزاييـن
وبعض العرب طبله،ورقص ومزامير
من (هَوْن :لاَهَونيك: لاَهان :لاَهَيْـن)
وبعض العَرَب يُسرا.وميمي.ونرميـن
وهيفا:ونور:وشوق:والهـام شاهيـن
ومشايخ الألفين مَعْهَـا الـف تفسيـر
يَاخِي شيوخ العصـر ذا: نرجسييـن
أضحى الْجِهَاد بْعُرْفُهُمْ بَـه مخاسيـر
ليش الْعُسُر وشيوخنـا ترغب(اللِيْـن)
ودرهم وقايه خَيْر لَكْ مـن قناطيـر
الله يِسْعِد هَـا لِّلحـى يَاهَـلْ الديـن
كَبِّر:وَاكَبّـر:أدْع :واصـدح بتكبيـر
(أمين)نَدْعِي بس نَدعـي على(ميـن)
شفنا ببـاب الـذلّ ناقـف طوابيـر
مـا ننحسـب واعدادنـا بالملاييـن
ولاَ حَصَل فـي وضعنـا أيّ تغييـر
ونعيش في خارج محيـط القوانيـن
على كِـذَا نبقـى مجـرّد عصافيـر
ونموت في غزه وفي دَيْـر ياسيـن
بكذّب الصوره واسـوق أي تبريـر
أنـا عروبـي لاَزِمْ اكـذّب العـيـن
قصيده رائعه جدا
اللهم حرر فلسطين عاجلا غير اجل
شكرا لك اخوي على هذه القصيده
تقبل مروري واعجابي اخوك
فهد السلقاااوي
|
انت الأروع يافهد
واللهم أنصر أهلنا في غزه
فهم الأهم الأن
اما تحرير فلسطين فهو طويل جداً
لأن من بين الفسطيين من يتاجر بالقضيه
مع مجموعه كبيره من زعماء العرب