الى قلوبكم الطيبه وذائقتكم الشعريه الفريده
يا شاعر المليون للشعر وقفات = للشعر اساس وعارفينًٍ اساسه
متميزٍ منذ العصور القديمات = ولليوم باقي في توهج حماسه
باقي على ذيك القيم والسيادات = مار البلا بالشاعر اشلون ساسه
شاعر يجيب ابيات شعرٍ جزيلات = وشاعر قصيده بالتفاهات حاسه
وشاعر جزيل ابداع ماله نهايات = وشاعر على الابداع جاب انتكاسه
وشاعر ثقيل ولا يحب التفاهات = وشاعر تفاهاته ملت كل راسه
وشاعر تفنن بالبيوت الفريدات = وشاعر ابيوته أمتلت بالتعاسه
وشاعر نثر من فيض شعره مقالات = وشاعر قصيده ما تعدى مداسه
وشاعر عطى للشعر قيمه وغايات = وشاعر عطاه الشعر مركز رئاسه
والشعر باقي ما تغير ولا مات = مار السبب بفصول ذيك الدراسه
لجنه فكاهيه والابيات أبيات = والنقد بعض احيان ما به فراسه
هذا يتمهزا وذاك يضحك... تفاهات = ما كنها ألا جلسةً للوناسه
وين احترام الغير وين الشعارات = النقد علم وذوق ما هو غلاسه
ويا شاعر المليون لك حق بالذات = وانا اعترف لك والحقيقه مُقاسه
تسهل على الشاعر جميع الطُروقات = وفي مسرحك ثبت قواعد أساسه
وتقبلوا خالص التحايا