ارجي وصالك على قلب ٍ وهب لك = ينتظر حبك تحت نار المفارق
كل شي ٍ صار سويته لأجلك = وصار غصن الهم من يديك وارق
لو عطيتك من عيوني كل مااملك = منت معطيني غلا والشوق حارق
اصلك واصلي أو اصلي غير اصلك = ربعي اللي اعتادوا لرز البيارق
فوق بنت الريح يوم الوقت مهلك = من غروب الشمس لحدود المشارق
قدرهم عندي يساويك انت وأهلك = مثل قدر الأندلس بعيون طارق
ويومك اطلقت لهبوب الغدر رجلك = صرت طايح في بحر حبك وغارق
انت اضمن لي تجيب انسان مثلك = بعدها ارحل عن عيوني وفارق
بقلم فاطمه الجعفري