تحيه وتقدير للجميع..ولكل من مر من هـُـنـا شكرا..
ليـه أنـت قالـوا عنـك ملهـم وغــدار ؟=ليـه أنـت متناقـض بلونـك.. ومافـيـك ؟
ليه أنـت قالـوا عنـك موطـن للأسـرار ؟=ليه أنت غامـض ؟ ليـه مجهـول خافيـك ؟
ليـه الغـروب بروعتـه يضفـي استـار ؟=علـى سمـا غـدرك ! .. ويقبـل يحييـك ؟
ليه الصبـاح المشـرق.. المبهـج.. البـار ؟=يضحك طرب ! وطيـوف يومـه تناجيـك ؟
ليـه أمتلكـت مـن المساحـات مـقـدار !=ثلثين الأرض ؟ ..ولا أنت راضي على هيك !
ليه؟ أنت ليه؟ وليـه ؟ليـه ؟ آآآآه محتـار !!=أسئلك ؟! والاّ .. أقتل سؤالـي وأخليـك !!
ليـه أسئلـك ؟ وأدنـاك... آفـه للأخبـار !=ليه أستبيـح الصمـت.. وأقـرب وأناديـك ؟
مافيـه موطـن.. يجمـع المـلـح والـنـار=الاّ أنـت ! ليـه أسـابق الفجر واجــيـــــك ؟!
وقفت أخيلك.. وأنـت تعـزف بالأوتـار !!=وصوتي علـى لهفـة خفوقـي.. يغنيـك !!
في مفترق طـرق.. ومتاهـات.. وأفكـار !=من ويـن ماترجـح.. خيالـي.. مخاويـك !
عطشت ! والضيقـه علـى مـد الأبصـار !=ميّـت ظمـأ وأنـا علـى جـال شاطيـك !
من دمـي أكتـب ! أو بعـد جـدول أنهـار=خذ راحتك.. ماجيـت لـك غيـر أبسقيـك !
أنت البحر.. ؟ والاّ .. البحر نظم الأشعـار ؟=مدري ؟! ولكن جيت من شعـري أهديـك !
.
.
.